നടി ഉര്‍വശി റൗട്ടേലയുടെ ബാത്ത്‌റൂം വീഡിയോ ഓണ്‍ലൈനില്‍ ചോര്‍ന്നു. ബാത്ത്‌റൂമില്‍ കുളിക്കാനായി എത്തുന്ന ഉര്‍വശി വസ്ത്രം മാറുന്ന വീഡിയോയാണ് സോഷ്യല്‍ മീഡിയയില്‍ എത്തിയിരിക്കുന്നത്. ഇതിന് പിന്നാലെ നടി വിവാദത്തിലായിരിക്കുകയാണ്. പിആര്‍ സ്റ്റണ്ട് ആണിത് എന്നാണ് പലരും ആരോപിക്കുന്നത്.
ഉര്‍വശിയെ വിമര്‍ശിച്ചു കൊണ്ടാണ് സോഷ്യല്‍ മീഡിയയില്‍ പലരും പ്രതികരിക്കുന്നത്. ഗ്ലാമര്‍ വേഷങ്ങളില്‍ തിളങ്ങാറുള്ള താരമാണ് ഉര്‍വശി. മാത്രമല്ല നടിയുടെ വിചിത്രമായ സോഷ്യല്‍ മീഡിയ പോസ്റ്റുകളും ചര്‍ച്ചയാകാറുണ്ട്. പ്രചരിക്കുന്ന വീഡിയോയില്‍ ഉര്‍വശി താലി ധരിച്ചതായി കാണാം. അതുകൊണ്ട് തന്നെ ഇതൊരു പിആര്‍ സ്റ്റണ്ട് ആണെന്ന് ഉറപ്പിക്കുകയാണ് സോഷ്യല്‍ മീഡിയ.
മംഗള്‍സൂത്ര ധരിച്ചാണ് വീഡിയോയില്‍ ഉര്‍വശി നില്‍ക്കുന്നത്, ഇതൊരു സിനിമയിലെ സീന്‍ തന്നെയാണ്, സിനിമാ പ്രമോഷന് ഒരു പരിധിയുണ്ട്, ചീപ്പ് ആയ പബ്ലിസിറ്റി സ്റ്റണ്ട്, മറ്റെന്തെങ്കിലും ചെയ്യാമായിരുന്നു എന്നിങ്ങനെയുള്ള കമന്റുകളാണ് വന്നു കൊണ്ടിരിക്കുന്നത്.
അതേസമയം, ഷൂട്ടിംഗിനിടെ സംഭവിച്ച അപകടത്തെ തുടര്‍ന്ന് ഹൈദരാബാദില്‍ ആശുപത്രിയില്‍ ആയിരുന്നു ഉര്‍വശി. ബാലകൃഷ്ണ നായകനാകുന്ന എന്‍ബികെ109 എന്ന് താല്‍ക്കാലികമായി പേരിട്ട ചിത്രത്തിന്റെ സെറ്റില്‍വെച്ചാണ് ഉര്‍വശി റൗട്ടേല അപകടത്തില്‍പ്പെട്ടത്.