പ്രശസ്ത ബോളിവുഡ് താരങ്ങളായ അഭിഷേക് ബച്ചനും ഐശ്വര്യ റായിയും പുതിയ ആഡംബര വസതി മുംബൈയില് സ്വന്തമാക്കിരിക്കുകയാണ്. ഈ വസതിക്കു 21 കോടി രൂപയാണ് വില. വീടിനു 5500 ചതുരശ്ര അടി വിസ്തീര്ണമുണ്ട്. ഇരുവരും കുടുംബ വീടായ ജല്സയില് നിന്ന് പുതിയ വസതിയിലേക്കു താമസം മാറുമെന്ന് വാര്ത്തകള് പ്രചരിച്ചിരുന്നു. പക്ഷേ ഈ വാര്ത്തകള് നിഷേധിച്ച് താര കുടുംബത്തോടടുത്തുള്ള വൃത്തങ്ങള് രംഗത്ത് എത്തി.
പുതിയ റിപ്പോര്ട്ടുകള് വ്യക്തമാക്കുന്നത് അഭിഷേക് ബച്ചന് മാതാപിതാക്കളെ പിരിഞ്ഞ് താമസിക്കുകയില്ല. ഇതു കൊണ്ടാണ് താരവുമായി മുന് കാമുകി കരീഷ്മ കപൂറും തമ്മില് പിരിഞ്ഞത് എന്നാണ് .
ബോളിവുഡ് ഏറെ ആഘോഷിച്ച പ്രണയമായിരുന്നു അഭിഷേക് ബച്ചന്റെയും കരീഷ്മ കപൂറിന്റെയും. ഇരുവരുടെയും പ്രണയം തുടങ്ങിയത് ഹാ മേംനേ ഭി പ്യാര് കിയ എന്ന സിനിമയുടെ സെറ്റിലായിരുന്നു. പിന്നീട് ഇരുവരും 2002 ല് അമിതാഭ് ബച്ചന്റെ അറുപതാം ജന്മദിനത്തില് തങ്ങള് വിവാഹിതരാകുമെന്നു പരസ്യമായി അറിയിച്ചു. അടുത്ത വര്ഷം ഇരുവരും തമ്മില് പിരിഞ്ഞു. ഇതിനുള്ള കാരണം കരീഷ്മ അഭിഷേകിനെ മാതാപിതാക്കളുടെ അടുത്ത് നിന്ന് താമസം മാറാനായി നിര്ബന്ധിച്ചതാണെന്നാണ് വാര്ത്തകള്.
പുതിയ വസതി അഭിഷേക് ബച്ചനും ഐശ്വര്യ റായിയും വാങ്ങിയത് താമസിക്കാന് വേണ്ടിയില്ല. പകരം സമ്പാദ്യമെന്ന രീതിയിലാണ്. അഭിഷേക് ബച്ചനെ ഐശ്വര്യ ഒരിക്കലും ജല്സയില് നിന്നും മാറി താമസിക്കാന് നിര്ബന്ധിക്കില്ല. കാരണം അവര്ക്ക് കൂട്ടുകുടുംബത്തിന്റെ മൂല്യം അറിയാമെന്നും താരം കുടുംബത്തോടടുത്തുള്ള വൃത്തങ്ങള് പറയുന്നു.