തനിക്ക് ഹൃദയാഘാതം സംഭവിച്ചതിനെ കുറിച്ച് നടി സുഷ്മിത സെന് സോഷ്യല് മീഡിയയിലൂടെ അറിയിച്ചിരുന്നു. ‘Second DOB: 27/02/2023’ (രണ്ടാം ജനനതീയ്യതി: 27/02/2023) എന്ന് കുറിച്ചു കൊണ്ടായിരുന്നു സുഷ്മിതയുടെ പോസ്റ്റ്. തനിക്ക് ഹൃദയാഘാതം സംഭവിച്ച തീയതി ആയിരുന്നു സുഷ്മിത പങ്കുവച്ചത്.
ഇപ്പോഴിതാ, നാഷണല് ഡോക്ടഴ്സ് ദിനത്തില് തന്റെ ജീവന് രക്ഷിച്ച ഡോക്ടര്മാര്ക്ക് നന്ദി പറഞ്ഞിരിക്കുകയാണ് സുഷ്മിത സെന്. ”1975 നവംബര് 19ന് എന്റെ മാതാപിതാക്കള് എനിക്ക് ജന്മം നല്കി. പക്ഷേ, 2023 ഫെബ്രുവരി 27ന് ഞാന് വീണ്ടും ജനിച്ചു.”
”ഇത്തവണ എന്റെ ഡോക്ടര്മാര്ക്ക് നന്ദി. ഒരു വലിയ ഹൃദയാഘാതം എന്റെ ജീവിതത്തെ എന്നില് നിന്ന് ഏതാണ്ട് അകറ്റി. അവരില് നിന്ന് എനിക്ക് ലഭിച്ച കരുതലും ശക്തിയും കാരണം എനിക്ക് എന്റെ ജീവിത്തില് രണ്ടാം അവസരം ലഭിച്ചു” എന്നാണ് സുഷ്മിതയുടെ വാക്കുകള്.
”നിങ്ങളുടെ ഹൃദയത്തെ സന്തോഷത്തോടെയും ധൈര്യത്തോടെയും നിലനിര്ത്തുക, നിങ്ങള്ക്ക് ഏറ്റവും ആവശ്യമുള്ളപ്പോള് അത് നിങ്ങളോടൊപ്പം നില്ക്കും” (എന്റെ പിതാവ് സുബീര് സെന്നിന്റെ വിവേകപൂര്ണ്ണമായ വാക്കുകള്) എന്നും സുഷ്മിത കുറിച്ചിട്ടുണ്ട്.
അതേസമയം, ‘ആര്യ’ എന്ന വെബ് സീരിസിന്റെ ഷൂട്ടില് ആയിരുന്നപ്പോഴാണ് സുഷ്മിത ഹൃദയാഘാതം സംഭവിച്ചത്. സുഷ്മിതയുടെ ആദ്യ വെബ് സീരിസ് ആണ് ആര്യ. ‘താലി’ എന്ന വെബ് സീരിസിലാണ് സുഷ്മിത ഒടുവില് പ്രത്യക്ഷപ്പെട്ടത്. ട്രാന്സ്ജെന്ഡര് ആക്ടിവിസ്റ്റ് ആയ ശ്രീഗൗരി സാവന്ത് ആയാണ് സുഷ്മിത ഇതില് അഭിനയിച്ചത്.