വിവാഹം കഴിഞ്ഞയുടന് തന്നെ നടി സൊനാക്ഷി സിന് ഗര്ഭിണിയായി എന്ന വാര്ത്തകള് പ്രചരിച്ചിരുന്നു. വിവാഹത്തിന് ശേഷം സൊനാക്ഷിയും ഭര്ത്താവ് സഹീര് ഇക്ബാലും ആശുപത്രിയില് എത്തിയതോടെയാണ് ഇങ്ങനൊരു അഭ്യൂഹം പ്രചരിച്ചത്. ഈ അഭ്യൂഹങ്ങളോട് പ്രതികരിച്ചിരിക്കുകയാണ് സൊനാക്ഷി ഇപ്പോള്.
വിവാഹം കഴിഞ്ഞതോടെ തനിക്ക് ആശുപത്രിയില് പോകാന് സാധിക്കാത്ത അവസ്ഥയായി എന്നാണ് സൊനാക്ഷി പറയുന്നത്. ”വിവാഹ ശേഷം വന്ന ഒരേയൊരു മാറ്റം എന്തെന്നാല്, ഞങ്ങള് ഇനി ആശുപത്രിയിലേക്ക് പോകാന് ആവില്ല, അപ്പോള് തന്നെ ഗര്ഭിണിയാണെന്ന വാര്ത്തകള് വരും” എന്നാണ് സൊനാക്ഷി പറയുന്നത്.
താന് ഗര്ഭിണിയല്ലെന്ന് ഇതിലൂടെ വ്യക്തമാക്കിയിരിക്കുകയാണ് സൊനാക്ഷി. ജൂണ് 23ന് ആയിരുന്നു സൊനാക്ഷി വിവാഹിതയായത്. ബാന്ദ്രയിലെ വീട്ടില് ഒരു ചെറിയ വിവാഹ ഫങ്ഷന് ആയിരുന്നു സൊനാക്ഷിയും സഹീറും നടത്തിയത്. ഏഴ് വര്ഷത്തെ പ്രണയത്തിനൊടുവില് ആയിരുന്നു ഇരുവരുടെയും വിവാഹം.
നടനും മോഡലുമായ സഹീര്, പ്രമുഖ ആഭരണ വ്യാപാരിയായ ഇക്ബാല് രതനാസിയുടെ പുത്രനാണ്. മറ്റൊരു മതത്തില്പെട്ട ആളെ മകള് വിവാഹം ചെയ്യുന്നതില് സൊനാക്ഷിയുടെ പിതാവ് ശത്രുഘ്നന് സിന്ഹയ്ക്ക് എതിര്പ്പുണ്ടെന്ന് ഗോസിപ്പുകള് എത്തിയിരുന്നു. എന്നാല് ഇത് തള്ളിക്കളഞ്ഞ് ശത്രുഘ്നന് സിന്ഹ രംഗത്തെത്തിയിരുന്നു.
തനിക്ക് ഒരൊറ്റ മകള് മാത്രമാണുള്ളതെന്നും അവളുടെ ഇഷ്ടത്തിന് അനുസരിച്ചാണ് താന് നില്ക്കുകയെന്നും ശത്രുഘ്നന് സിന്ഹ വ്യക്തമാക്കിയിരുന്നു. വിവാഹം സ്പെഷല് മാരേജ് ആക്ട് പ്രകാരമായിരിക്കുമെന്നും സൊനാക്ഷി മതപരിവര്ത്തനം നടത്തുകയില്ലെന്നും സഹീറിന്റെ പിതാവും വ്യക്തമാക്കിയിരുന്നു.