ഷാരൂഖ് ഖാന് ചിത്രം ‘ഡങ്കി’ പ്രഭാസിന്റെ ‘സലാര്’, മോഹന്ലാലിന്റെ ‘നേര്’ എന്നീ ചിത്രങ്ങള്ക്കൊപ്പം ക്ലാഷ് റിലീസ് ആയാണ് തിയേറ്ററില് എത്താനൊരുങ്ങുന്നത്. ഡിസംബര് 22ന് ആണ് ചിത്രത്തിന്റെ റിലീസ്. ‘പഠാന്’, ‘ജവാന്’ എന്നീ ചിത്രങ്ങളുടെ ഗംഭീര വിജയത്തിന് ശേഷം എത്തുന്ന ഡങ്കിയ്ക്കായി ഷാരൂഖ് വാങ്ങിയ പ്രതിഫലമാണ് ചര്ച്ചകളില് നിറയുന്നത്.
ഡങ്കിയില് 100 കോടിയിലേറെ ഷാരൂഖ് പ്രതിഫലമായി വാങ്ങുന്നുണ്ട് എന്ന വാര്ത്തകള് എത്തിയിരുന്നു. ഇന്ത്യയില് ഏറ്റവും പ്രതിഫലം വാങ്ങുന്ന താരങ്ങളില് വീണ്ടും ഒന്നാം സ്ഥാനത്ത് ഷാരൂഖ് എത്തിയെങ്കിലും ‘ഡങ്കി’യിലെ പ്രതിഫലത്തെ കുറിച്ച് വരുന്ന റിപ്പോര്ട്ടുകള് വാസ്തവ വിരുദ്ധമാണെന്ന് കോയിമോയി റിപ്പോര്ട്ട് ചെയ്യുന്നു.
28 കോടിയാണ് ഡങ്കിയിലെ ഷാരൂഖിന്റെ പ്രതിഫലം. ഷാരൂഖാന്റെയും ഭാര്യ ഗൗരി ഖാന്റെയും ഉടമസ്ഥതയിലുള്ള റെഡ് ചില്ലീസ് ഇന്റര്നാഷണലാണ് ഡങ്കിയുടെ നിര്മാണ പങ്കാളിലൊന്ന്. രാജ്കുമാര് ഹിറാനി, ജ്യോതി ദേശ് പാണ്ഡെ എന്നിവരാണ് മറ്റു നിര്മാതാക്കള്.
28 കോടി കൂടാതെ സിനിമയുടെ വരുമാനത്തിന് അനുസൃതമായി ഒരു നിര്മാതാവ് എന്ന നിലയില് ഷാരൂഖിന് ഒരു വിഹിതം ലഭിക്കും. നായിക തപ്സി പന്നുവിന്റെ പ്രതിഫലം 11 കോടിയാണ്. വിക്കി കൗശലിന്റെ പ്രതിഫലം 12 കോടിയോളം വരും.
മറ്റു താരങ്ങളായ ബൊമന് ഇറാനിക്കും സതീഷ് ഷായ്ക്കും യഥാക്രമം 15 കോടിയും 7 കോടിയുമാണ് പ്രതിഫലം എന്നാണ് റിപ്പോര്ട്ടുകള്. ലണ്ടനില് പോകാന് ആഗ്രഹിക്കുന്ന നാല് സുഹൃത്തുക്കളുടെ കഥയാണ് ചിത്രം പറയുന്നത്. സംഗീതം പ്രീതം. ഛായാഗ്രഹണം മലയാളിയായ സി.കെ മുരളീധരന്.