മുപ്പതാം വയസില് താന് അണ്ഡം ശീതികരിച്ചു വച്ചിരുന്നു എന്ന് പ്രിയങ്ക ചോപ്ര തുറന്നു പറഞ്ഞിരുന്നു. വാടകഗര്ഭപാത്രത്തിലൂടെ 39-ാം വയസിലാണ് പ്രിയങ്ക അമ്മയായത്. മാള്ട്ടി മേരി ചോപ്ര ജോനാസ് എന്നാണ് പ്രിയങ്കയുടെയും നിക് ജോനാസിന്റെയും മകളുടെ പേര്.
അണ്ഡം ശീതികരിച്ചതിന്റെ വിവിധ സ്റ്റെപ്പുകളില് അനുഭവിച്ച പ്രയാസങ്ങളെ കുറിച്ചാണ് പ്രിയങ്ക ഇപ്പോള് തുറന്നു പറഞ്ഞിരിക്കുന്നത്. ‘ക്വാണ്ടികോ’ എന്ന സീരീസ് ചെയ്യുന്നതിനിടെയാണ് എഗ് ഫ്രീസിംഗ് ചെയ്യുന്നത്. അന്ന് താന് മുപ്പതുകളുടെ തുടക്കത്തിലായിരുന്നു.
അണ്ഡം ശീതികരിക്കുന്നതിന്റെ ഘട്ടങ്ങള് വളരെ കഠിനമായിരുന്നു. ഒരു മാസത്തോളം ഇന്ജെക്ഷനുകള് എടുക്കേണ്ടി വന്നു. ഹോര്മോണില് വരുന്ന വ്യതിയാനങ്ങള് മാനസികമായി ബുദ്ധിമുട്ടായിരുന്നു. ഇത് ജോലിയെ ബാധിക്കാതെ മുന്നോട്ട് പോകുക എന്നത് വളരെ പ്രയാസകരമായിരുന്നു.
എങ്കിലും ജോലി ചെയ്യുന്ന സ്ത്രീകള്, സിംഗിളായ സ്ത്രീകള്, കുട്ടികള് വേണമെന്ന് ഉറപ്പില്ലാത്തവര് തുടങ്ങിയവര്ക്ക് അണ്ഡം ശീതികരണം മികച്ചൊരു അവസരമാണ്. തന്റെ തീരുമാനത്തിന് മുമ്പ് ഡോക്ടര് കൂടിയായ അമ്മയോടും മറ്റൊരു സുഹൃത്തിനോടും വിശദമായി സംസാരിച്ചിരുന്നു.
അതിനാല് ഇതിനെ ആശങ്കകള് ഒഴിഞ്ഞു. തന്റെ കുഞ്ഞിന് പിതാവാകണമെന്ന് കരുതുന്ന ഒരാളെ എപ്പോ കണ്ടെത്താന് കഴിയും എന്ന് ഉറപ്പില്ലാത്തതിനാലാണ് ഇത്തരം ഒരു കാര്യം ആലോചിച്ചത് എന്നാണ് പ്രിയങ്ക ചോപ്ര പറയുന്നത്.