മിമി എന്ന സിനിമയിലെ ‘പരം സുന്ദരി’ എന്ന ഗാനം മലയാളികള്‍ക്കിടയിലും വൈറലാണ്. നടി കൃതി സനോന്‍ പങ്കുവെച്ച ദുരനുഭവങ്ങളാണ് ഇപ്പോള്‍ ചര്‍ച്ചയാകുന്നത്. താരകുടുബംങ്ങളുടെ പാരമ്പര്യമില്ലാതെ ബോളിവുഡില്‍ എത്തിയ താരമാണ് കൃതി സനോന്‍. അതിനാല്‍ തന്നെ ബോളിവുഡിലും മോഡലിംഗ് രംഗത്തും കൃതിക്ക് ഏറെ ദുരനുഭവങ്ങള്‍ ഉണ്ടായിട്ടുണ്ട്.
മോഡിലിംഗ് ആരംഭിച്ച സമയത്ത് ആദ്യം റാമ്പ് വാക്ക് ചെയ്തപ്പോള്‍ കൊറിയോഗ്രാഫിയില്‍ എന്തോ തെറ്റ് പറ്റിയിരുന്നു. കൊറിയോഗ്രാഫര്‍ വളരെ ക്രൂരമായിട്ടാണ് തന്നോട് പെരുമാറിയത്. ഷോ കഴിഞ്ഞതും 20 മോഡല്‍സ് നോക്കി നില്‍ക്കെ അവര്‍ തന്നോട് പൊട്ടിത്തെറിച്ചു. തന്നോട് ആരെങ്കിലും ദേഷ്യപ്പെട്ടാല്‍ അപ്പോള്‍ തന്നെ കരയാന്‍ തുടങ്ങും.
അന്ന് തിരികെ വീട്ടിലേക്ക് പോകാനായി ഓട്ടോയില്‍ കയറി ഇരുന്നതും താന്‍ പൊട്ടിക്കരയാന്‍ തുടങ്ങി. തിരികെ വീട്ടില്‍ ചെന്ന് അമ്മയുടെ അടുത്ത് പോയിരുന്ന് ഒരുപാട് കരഞ്ഞു. ഇത് നിനക്ക് പറ്റിയ പ്രൊഫഷന്‍ ആണോ എന്ന് തനിക്കറിയില്ല എന്നായിരുന്നു അമ്മ പറഞ്ഞത്. നീ വൈകാരികമായി കുറേക്കൂടി കരുത്തുള്ളവളാകണം.
നല്ല തൊലിക്കട്ടി വേണം. ഇപ്പോഴുള്ളതിനേക്കാള്‍ ഒരുപാട് ആത്മവിശ്വാസം വേണം. പതിയെ മുന്നോട്ട് പോകവെയാണ് താന്‍ ആ ആത്മവിശ്വാസം ആര്‍ജ്ജിച്ചെടുത്തത് എന്ന് കൃതി ഒരു ബ്രൂട്ട് ഇന്ത്യക്ക് നല്‍കിയ അഭിമുഖത്തില്‍ പറഞ്ഞു. അതേസമയം, മിമി എന്ന സിനിമയാണ് കൃതിയുടേതായി അവസാനം പുറത്തിറങ്ങിയത്. വാടക ഗാര്‍ഭധാരണത്തെ കുറിച്ചാണ് ചിത്രം പറഞ്ഞത്.
