“സൂര്യവംശി” ചിത്രത്തെ കുറിച്ചുണ്ടായ വിവാദങ്ങള്ക്ക് പിന്നാലെ രോഹിത് ഷെട്ടിക്ക് ജന്മദിനാശംസകള് നേര്ന്ന് ബോളിവുഡ് സുന്ദരി കത്രീന കൈഫ്. “”ജന്മദിനാശംസകള്. നിങ്ങള്ക്ക് മികച്ച വര്ഷം ആശംസിക്കുകന്നു, കൂടുതല് ഉയരങ്ങളിലേക്കെത്തട്ടെ…എല്ലാ സ്നേഹവും”” എന്ന് രോഹിത് ഷെട്ടിയുടെ ചിത്രം പങ്കുവച്ചുകൊണ്ട് കത്രീന കുറിച്ചു.
കഴിഞ്ഞ ദിവസങ്ങളിലാണ് കത്രീനയുടെ ഫാന്സ് ഷെയിം ഓണ് യു രോഹിത് ഷെട്ടി ഹാഷ്ടാഗുകള് പങ്കുവച്ചത്. രോഹിത് സംവിധാനം ചെയ്യുന്ന സൂര്യവംശി എന്ന ചിത്രത്തിലെ ഒരു സീനിനെ കുറിച്ചുള്ള പരാമര്ശമാണ് വിവാദമായി മാറിയത്.
ഒരു സീനില് നായകന്മാരായ അജയ് ദേവ്ഗണ്, അക്ഷയ് കുമാര്, രണ്വീര് സിംഗ് എന്നിവര്ക്കൊപ്പം നടന്നു വരുന്ന കത്രീനയുടെ കണ്ണ് അടഞ്ഞിരിക്കുകയാണ്. ഈ രംഗം വീണ്ടും എടുക്കാന് കത്രീന പറഞ്ഞപ്പോള് ഈ നായകന്മാര്ക്കിടയില് നടിയെ ആരും ശ്രദ്ധിക്കില്ലെന്നായിരുന്നു തന്റെ മറുപടിയെന്നായിരുന്നു രോഹിത് ഒരു അഭിമുഖത്തിനിടെ വ്യക്തമാക്കിയത്.