തന്റെ മക്കള്ക്ക് ഏറ്റവും ഇഷ്ടപ്പെട്ട നടി സഹോദരി കരീന കപൂര് ആണെന്ന് നടി കരിഷ്മ കപൂര്. മകള് സമൈറയും മകന് കിയാനും കൂടുതലും കാണുന്നത് കരീനയുടെ സിനിമകളാണെന്നും താരം ഒരു അഭിമുഖത്തിനിടെ വ്യക്തമാക്കി. മക്കളുടെ പ്രിയ നടി കരിഷ്മ തന്നെയാണോ എന്ന ചോദ്യത്തിനാണ് താരം മറുപടി നല്കിയത്.
“”അങ്ങനെ തോന്നുന്നില്ല, കരീനയെയാണ് അവര്ക്കിഷ്ടം. അവളുടെ സിനിമകളാണ് കൂടുതല് കാണാറുള്ളത്. എന്റെ സിനിമകള് അധികം കാണാറില്ല. ഞാന് അതിന് നിര്ബന്ധിക്കാറുമില്ല. എന്റെ കുറച്ച് സിനിമകള് മാത്രമേ അവര് കണ്ടിട്ടുള്ളു”” എന്ന് കരിഷ്മ പറഞ്ഞു.
1991ല് പുറത്തെത്തിയ “പ്രേം ക്വയ്ദി” എന്ന ചിത്രത്തിലൂടെയാണ് കരിഷ്മ ബോളിവുഡിലേക്ക് എത്തുന്നത്. “മെന്റല്ഹുഡ്” എന്ന വെബ് സീരിസിലൂടെ ഡിജിറ്റല് രംഗത്തേക്കും കരിഷ്മ ഇപ്പോള് അരങ്ങേറ്റം കുറിച്ചു.