ലോകം മുഴുവന് കോവിഡ് 19 പ്രതിസന്ധി തുടരവെ പിഎം കെയേര്സ് ഫണ്ടിലേക്കും മഹാരാഷ്ട്ര മുഖ്യമന്ത്രിയുടെ ദുരിതാശ്വാസനിധിയിലേക്കും സഹായധനം പ്രഖ്യാപിച്ച് ബോളിവുഡ് താരം കരിഷ്മ കപൂറും. ഇന്സ്റ്റഗ്രാമിലൂടെയാണ് സഹായധനം നല്കുന്ന കാര്യം കരിഷ്മ അറിയിച്ചിരിക്കുന്നത്.
“”എല്ലാ ജീവനും പ്രാധാന്യം അര്ഹിക്കുന്നു, അതിനാലാണ് ഞാനും എന്റെ മക്കള് സമൈറയും കിയാനും പിഎം കെയേര്സ് ഫണ്ടിലേക്കും മുഖ്യമന്ത്രിയുടെ ദുരിതാശ്വാസ ഫണ്ടിലേക്കും (മഹാരാഷ്ട്ര) ഞങ്ങളുടെ പൂര്ണ പിന്തുണ വാഗ്ദാനം ചെയ്യുന്നത്. ഒരു ചെറിയ സംഭാവനയ്ക്ക് ഒരുപാട് സഹായിക്കാം. നമ്മുടെ രാജ്യത്തിനായി, മാനവികതയ്ക്കായി നിങ്ങളും സംഭാവന ചെയ്യുക”” എന്നാണ് ഇന്സ്റ്റഗ്രാം പോസ്റ്റിലൂടെ കരിഷ്മ വ്യക്തമാക്കുന്നത്.
അക്ഷയ് കുമാര്, വരുണ് ധവാന്, കരീന കപൂര്, സെയ്ഫ് അലിഖാന് എന്നീ ബോളിവുഡ് താരങ്ങളും തെന്നിന്ത്യന് താരങ്ങളും സഹായധനം പ്രഖ്യാപിച്ചിട്ടുണ്ട്. അതേസമയം, ഇന്ത്യയില് രണ്ടായിരത്തിനടുത്ത് ആളുകള്ക്ക് കൊറോണ സ്ഥിരീകരിച്ചിട്ടുണ്ട്.