കോവിഡ് 19 ടെസ്റ്റ് നെഗറ്റീവായതോടെ നിര്മ്മാതാവ് കരീം മൊറാനിയും മക്കളായ ഷാസയും, സോയയും വീട്ടിലേക്ക്. മുംബൈയിലെ നാനാവതി ആശുപത്രിയില് ചികിത്സയിലായിരുന്ന കരീമിന് രണ്ടു തവണ കൊറോണ നെഗറ്റീവ് ആയതോടെയാണ് വെള്ളിയാഴ്ച ഡിസ്ചാര്ജ് ചെയ്തത്.
ആശുപത്രിയില് നല്ല ചികിത്സയാണ് ലഭിച്ചതെന്നും സര്ക്കാറും ആരോഗ്യപ്രവര്ത്തകരും മികച്ച രീതിയിലാണ് പ്രവര്ത്തിക്കുന്നതെന്നും കരീം മൊറാനി പറഞ്ഞു. 14 ദിവസത്തേക്ക് തന്റെ മുറിയില് തന്നെ ക്വാറന്റൈനിലിരിക്കുമെന്നും കരീം മൊറാനി വ്യക്തമാക്കി.
ഏപ്രില് 6നാണ് മകളായ ഷാസക്കും മകളും നടിയുമായ സോയക്കും കോവിഡ് പൊസിറ്റീവ് ആണെന്ന് സ്ഥിരീകരിച്ചത്. രണ്ട് ദിവസത്തിനു ശേഷം കരീം മൊറാനിക്കും കോവിഡ് സ്ഥിരീകരിക്കുകയായിരുന്നു.