ബോളിവുഡ് ഗായിക കനിക കപൂറിന് അഞ്ചാം തവണ നടത്തിയ പരിശോധനയിലും കോവിഡ് 19 പോസിറ്റീവ്. തുടര്ച്ചയായി അഞ്ചാം തവണയും കൊറോണ ടെസ്റ്റ് പോസിറ്റീവ് ആണെങ്കിലും പേടിക്കാന് ഒന്നുമില്ലെന്ന് സഞ്ജയ് ഗാന്ധി പോസ്റ്റ് ഗ്രാജുവേറ്റ് ഇന്സ്റ്റിറ്റ്യൂട്ട് ഓഫ് മെഡിക്കല് സയസിലെ ഡോ. ആര്.കെ ധിമന് പ്രതികരിച്ചു.
കനികയുടെ സ്ഥിതിയില് ഇപ്പോള് സ്ഥിരതയുണ്ടെന്നും ഭക്ഷണം കഴിക്കുന്നുണ്ടെന്നും ഡോ. ആര്.കെ ധിമന് വ്യക്തമാക്കി. നാലാമത്തെ ടെസ്റ്റിന് പിന്നാലെ താന് ഐസിയുവില് അല്ലെന്നും അഞ്ചാമത്തെ ടെസ്റ്റ് നെഗറ്റീവ് ആകുമെന്ന് ആഗ്രഹിക്കുന്നു എന്ന് കനിക ഇന്സ്റ്റഗ്രാമില് കുറിപ്പ് പങ്കുവച്ചിരുന്നു.
മാര്ച്ച് 20നാണ് കനികയെ ആശുപത്രിയില് പ്രവേശിപ്പിച്ചത്. സമ്പര്ക്ക വിലക്ക് ലംഘിച്ചതിനാല് കനികക്കെതിരെ പൊലീസ് കേസെടുത്തിട്ടുണ്ട്.