നിവിൻ പോളിയെ നായകനാക്കി അൽഫോൺസ് പുത്രൻ ഒരുക്കിയ ചിത്രമായിരുന്നു പ്രേമം. മൂന്ന് കാലഘട്ടങ്ങളുടെ കഥ പറഞ്ഞ ചിത്രം മലയാളത്തിനു പുറമേ അന്യഭാഷകളിലും സൂപ്പർ ഹിറ്റായി മാറിയിരുന്നു. ഇപ്പോഴിത പ്രേമമാണ് തന്റെ ഇഷ്ട ചിത്രമെന്ന് വെളിപെടുത്തി രംഗത്തെത്തിയിരിക്കുകയാണ് ബോളിവുഡ് താരസുന്ദരി ജാൻവി കപൂർ.
നടിയുടെ ഏറ്റവും പുതിയ ചിത്രമായ ഗുഡ്ലക്ക് ജെറിയുടെ പ്രൊമോഷന്റെ ഭാഗമായി നൽകിയ ഒരു അഭിമുഖത്തിൽലാണ് കൂടെ വർക്ക് ചെയ്യാൻ ആഗ്രഹമുള്ള തെന്നിന്ത്യൻ സംവിധായകരെ പറ്റി ജാൻവി പറഞ്ഞത്.
അൽഫോൺസ് പുത്രനൊപ്പം പ്രവർത്തിക്കാൻ ആഗ്രഹമുണ്ടെന്നും അദ്ദേഹത്തിന്റെ പ്രേമം ഇഷ്ട ചിത്രമാണെന്നും ജാൻവി പറഞ്ഞു.ജാൻവി കപൂർ പ്രധാന വേഷത്തിലെത്തുന്ന ഏറ്റവും പുതിയ ചിത്രമാണ് ഗുഡ്ലക്ക് ജെറി.
ഡിസ്നി പ്ലസ് ഹോട്ട്സ്റ്റാറിലൂടെയാണ് ചിത്രം റിലീസ് ചെയ്യുന്നത്. നെൽസൺ ദിലീപിന്റെ സംവിധാനത്തിൽ പുറത്തുവന്ന നയൻതാര ചിത്രം കൊലമാവ് കോകിലയുടെ ഹിന്ദി റീമേക്കാണ് ഗുഡ്ലക്ക് ജെറി.