വീഡിയോ കോണ്‍ഫറന്‍സിലൂടെ അമ്മ സുബൈദ ബീഗത്തിന്റെ ശവസംസ്‌ക്കാരത്തിന്റെ ഭാഗമായി നടന്‍ ഇര്‍ഫാന്‍ ഖാന്‍. ശനിയാഴ്ച രാവിലെയാണ് ഇര്‍ഫാന്‍ ഖാന്റെ മാതാവ് ജയ്പൂരില്‍ മരിച്ചത്. പ്രായാധിഖ്യ അസുഖങ്ങളെ തുടര്‍ന്നാണ് മരണം. 95 വയസായിരുന്നു.
ലോക്ഡൗണില്‍ ജയ്പൂരിലേക്ക് യാത്ര ചെയ്യാന്‍ സാധ്യമല്ലാത്തതിനാലാണ് വീഡിയോ കോണ്‍ഫറന്‍സിലൂടെ താരം അമ്മക്ക് യാത്രാമൊഴി അര്‍പ്പിച്ചത്. ശനിയാഴ്ച വൈകിട്ട് ജയ്പൂരിലെ ചുങ്കി നക ശ്മശാനത്തിലാണ് സുബൈദ ബീഗത്തെ അടക്കം ചെയ്തത്.
കുറച്ച് കുടുംബാംഗങ്ങള്‍ മാത്രമാണ് ശവസംസ്‌ക്കാര ചടങ്ങില്‍ പങ്കെടുത്തത്. മുംബൈയിലാണ് ഇര്‍ഫാന്‍ ഖാന്‍ താമസിക്കുന്നത്.
