നടന് ആമിര് ഖാന്റെ പേരില് ഏറെ സൈബര് ആക്രമണം നേരിടേണ്ടി വന്ന താരമാണ് ഫാത്തിമ സന ഷെയ്ഖ്. ആമിര് ഭാര്യ കിരണ് റാവുമായി പിരിയാനുള്ള കാരണം ഫാത്തിമയുമായുള്ള പ്രണയമാണ് എന്ന തരത്തില് പ്രചാരണങ്ങളും നടന്നിരുന്നു. ഇപ്പോഴിതാ തനിക്ക് നേരിടേണ്ടി വന്നൊരു ദുരനുഭവം വെളിപ്പെടുത്തിയിരിക്കുകയാണ് ഫാത്തിമ.
ഒരു പാര്ട്ടിയില് വച്ചുണ്ടായ മോശം അനുഭവമാണ് താരം പങ്കുവച്ചിരിക്കുന്നത്. ബോളിവുഡ് ബബ്ബിളിന് നല്കിയ അഭിമുഖത്തിലാണ് ഫാത്തിമ മനസു തുറന്നത്. ”ഞാന് ഈയ്യടുത്ത് ഒരു പാര്ട്ടിയില് പങ്കെടുത്തിരുന്നു. അവിടെ വച്ച് ഒരു മര്യാദയില്ലാത്ത പെണ്കുട്ടിയെ കണ്ടുമുട്ടി. അവളെ എനിക്ക് പരിചയമില്ലായിരുന്നു.”
”ചിലപ്പോള് ആളുകള് മറ്റുള്ളവരോട് മോശമായി പെരുമാറുള്ള എക്സ്ക്യൂസ് ആയി മദ്യത്തെ കാണും. അവള് അത്തരത്തിലൊരു പെണ്കുട്ടിയായിരുന്നു. എന്റെ മുടി ഞാന് അഴിച്ചിട്ടിരിക്കുകയാണ്. അത് എന്റെ ഇഷ്ടമാണ്. പക്ഷെ അവള്ക്ക് എന്താണ് പ്രശ്നം എന്നറിയില്ല, നീ പാര്ട്ടിയ്ക്ക് ചേരുന്നവളല്ലെന്ന് അവള് പറഞ്ഞു.”
”അവള് മദ്യപിച്ചിരുന്നതിനാല് മാത്രമാണ് ഞാന് വെറുതെ വിട്ടത്. പരുക്കനായിട്ടാണ് അവള് പെരുമാറിയത്. എന്താണ് കാരണമെന്ന് അറിയില്ല. നിന്റെ മുഖം നല്ലതാണ്, പക്ഷെ മുടി അഴിച്ചിട്ടത് ഭംഗിയായില്ല, ഞാന് മുടി കെട്ടിത്തരാമെന്ന് അവള് പറഞ്ഞു. ഞാന് വേണ്ടെന്ന് പറഞ്ഞു. അവള് എന്റെ കണ്ണില് ഐ ലൈനര് ഇട്ടു.”
”മുടി കെട്ടണ്ട എന്ന് ഞാന് പറഞ്ഞു. ഇത്ര ചൂടത്ത് എന്താണ് മുടി കെട്ടാത്തത് എന്നവള് ചോദിച്ചു. എനിക്ക് മുടി കെട്ടണ്ട എന്ന് ഞാന് പറഞ്ഞു. ഈ സംഭവം തന്നെ കരയിപ്പിച്ചു. അതിന് ശേഷം താന് മനുഷ്യാവകാശ പ്രവര്ത്തകയാണെന്ന് ആ പെണ്കുട്ടി തന്നെ പരിചയപ്പെടുത്തി” എന്നാണ് ഫാത്തിമ പറയുന്നത്.