വില്ലന് കഥാപാത്രങ്ങളില് അഭിനയിക്കുമ്പോള് തനിക്ക് സ്വയം വെറുപ്പ് തോന്നാറുണ്ടെന്ന് ബോളിവുഡ് താരം ബോബി ഡിയോള്. അടുത്തിടെ നല്കിയ ഒരു അഭിമുഖത്തിലാണ് താരം ഇക്കാര്യം തുറന്നു പറഞ്ഞത്. നെഗറ്റീവ് വേഷങ്ങള് ചെയ്യുന്നത് തനിക്ക് ഒരുപാട് മാനസിക ബുദ്ധിമുട്ട് ഉണ്ടാക്കുന്നുണ്ട് എന്നാണ് ബോബി പറയുന്നത്.
”കൊടും വില്ലന് കഥാപാത്രത്തെ അവതരിപ്പിക്കുമ്പോള് എനിക്ക് എന്നോട് തന്നെ വെറുപ്പ് തോന്നിയിരുന്നു. ആ കഥാപാത്രം വെറുതെ അവതരിപ്പിക്കുക മാത്രമാണ് ചെയ്തത്, ഞാനല്ല അതെന്ന് സ്വയം ആശ്വസിച്ചു” എന്നാണ് ബോബി ഡിയോള് പറയുന്നത്.
താന് കഥാപാത്രങ്ങള് തിരഞ്ഞെടുക്കുന്നതിനെ കുറിച്ചും ബോബി ഡിയോള് സംസാരിക്കുന്നുണ്ട്. ”എന്നെ ആകര്ഷിക്കുന്ന കഥാപാത്രങ്ങളാണ് ഞാന് ചെയ്യുന്നത്. ഒരു സിനിമയുടെ ബോക്സ് ഓഫീസ് പ്രകടനം നമുക്ക് പ്രവചിക്കാന് കഴിയില്ല” എന്നാണ് നടന് പറഞ്ഞത്.
അതേസമയം, ‘അനിമല്’ ആണ് ബോബിയുടെതായി ഇനി റിലീസിനൊരുങ്ങുന്ന ചിത്രം. രണ്ബിര് കപൂര് നായകനാകുന്ന ചിത്രത്തില് വില്ലന് കഥാപാത്രത്തെയാണ് ബോബി ഡിയോള് അവതരിപ്പിക്കുന്നത്. സന്ദീപ് റെഡ്ഡി സംവിധാനം ചെയ്യുന്ന ചിത്രത്തില് രശ്മിക മന്ദാനയാണ് നായിക. ഡിസംബര് ഒന്നിനാണ് ചിത്രം റിലീസ് ചെയ്യുന്നത്.