അനില് കപൂറും ആദിത്യ റോയ് കപൂറും പ്രധാന വേഷത്തില് എത്തിയ വെബ് സീരിസ് ആണ് ‘ദ നൈറ്റ് മാനേജര്’. സീരിസില് വില്ലന് വേഷത്തിലാണ് അനില് കപൂര് അഭിനയിക്കുന്നത്. ശോഭിത ധൂലിപാലയാണ് അനില് കപൂറിന്റെ കാമുകിയായി എത്തുന്നത്. സീരിസിലെ ഗ്ലാമര് രംഗങ്ങള് സോഷ്യല് മീഡിയയില് ചര്ച്ചയാവുകയാണ്.
66 വയസുള്ള അനില് കപൂറുമായി 30 ഓളം ചുംബന രംഗങ്ങള് സീരിസില് ശോഭിതയ്ക്കുണ്ട്. ഇതോടെ സീരിസിനെതിരെ ട്രോളുകളും വിമര്ശനങ്ങളും ഉയര്ന്നിട്ടുണ്ട്. വിമര്ശനങ്ങളോട് പ്രതികരിച്ചിരിക്കുകയാണ് അനില് കപൂര് ഇപ്പോള്. ചുംബന സീനുകള് എടുത്തതിനെ കുറിച്ചാണ് അനില് കപൂര് പറയുന്നത്.
സീരിസില് ആ രംഗങ്ങള് ചെയ്യുന്നതിനിടെ തനിക്കും ശോഭിതയ്ക്കും ഇടയില് ചില ബുദ്ധിമുട്ടുകള് ഉണ്ടായി. മുമ്പ് മറ്റൊരു നടിക്കൊപ്പവും അത്തരം രംഗങ്ങള് ചെയ്തിട്ടില്ലാത്തതിനാല് ഒരു പരിധി വരെ താന് ആശങ്കാകുലനായിരുന്നു എന്നതാണ് നേര്. ശോഭിത വളരെ ദയപൂര്വ്വമാണ് തന്നോട് കൂടെ അഭിനയിച്ചത്.
അത് തന്നെ വളരെയധികം സഹായിച്ചു. താന് സിനിമാ രംഗത്ത് ഏറെ പരിചയസമ്പത്തുള്ള ആളാണ്. പക്ഷേ ഇപ്പോഴത്തെ ചെറുപ്പക്കാരുടെ കൂടെ ജോലി ചെയ്യുന്നതും അവരുടെ പിന്തുണയും തനിക്ക് എത്രത്തോളം പ്രയോജനം ചെയ്യുന്നുവെന്ന് ഇപ്പോഴാണ് മനസിലാകുന്നത് എന്നാണ് അനില് കപൂര് പറയുന്നത്.
2016ല് ബിബിസി എയര് ചെയ്ത ‘ദ നൈറ്റ് മാനേജര്ട എന്ന ഇംഗ്ലീഷ് സീരിസിന്റെ ഇന്ത്യന് റീമേക്കാണ് ഇത്. ഫെബ്രുവരി 17ന് ആണ് സീരിസ് സ്ട്രീം ചെയ്യാന് ആരംഭിച്ചത്. അണ്ടര്കവര് ഏജന്റ് ആയാണ് സീരിസില് ആദിത്യ റോയ് കപൂര് വേഷമിടുന്നത്.