ബോളിവുഡിലെ താരസുന്ദരിയാണ് അനന്യ പാണ്ഡെ. സ്റ്റുഡന്റ് ഓഫ് ദ ഇയര് ടു ചിത്രത്തിലൂടെയാണ് അനന്യ ബോളിവുഡില് അരങ്ങേറ്റം കുറിച്ചത്. എന്നാല് നടിയുടെ ഇതുവരെയുള്ള സിനിമകള് എല്ലാം ബോക്സ് ഓഫീസില് പരാജയമായിരുന്നു. നെപ്പോ കിഡ് എന്ന വിമര്ശനങ്ങളും അനന്യയെ തേടി എത്താറുണ്ട്. കടുത്ത രീതിയില് ബോഡി ഷെയ്മിംഗും അനന്യ നേരിടാറുണ്ട്.
കഴിഞ്ഞ ദിവസം അനന്യ സോഷ്യല് മീഡിയയില് പങ്കുവച്ച ചിത്രങ്ങള്ക്ക് കനത്ത രീതിയിലുള്ള ട്രോളുകളാണ് ഇപ്പോള് ലഭിച്ചു കൊണ്ടിരിക്കുന്നത്. താരം അരക്കെട്ടിന് വലിപ്പം കൂട്ടിയോ എന്നാണ് സോഷ്യല് മീഡിയ ചോദിക്കുന്നത്. സോഷ്യല് മീഡിയയില് നിരവധി പേരാണ് താരം സര്ജറി ചെയ്തതായി ആരോപിച്ച് എത്തിയിരിക്കുന്നത്.
മുമ്പ് പല താരങ്ങളും സമാനമായ രീതിയില് രൂപഭംഗി കൂട്ടാനായി സര്ജറി ചെയ്ത് വാര്ത്തകളില് ഇടം നേടിയിട്ടുണ്ട്. അവരുടെ പാത പിന്തുടര്ന്ന് അനന്യയും തന്റെ രൂപഭംഗി കൂട്ടാന് സര്ജറിയ്ക്ക് വിധേയായിട്ടുണ്ട് എന്നാണ് സോഷ്യല് മീഡിയയുടെ ആരോപണം.
തന്റെ ലുക്കില് എപ്പോഴും ഇന്സെക്യൂരിറ്റിയുണ്ടെന്ന് പറഞ്ഞിട്ടുള്ള അനന്യ ഇത്തരത്തിലൊരു നീക്കം നടത്തിയത് സങ്കടകരമാണ് എന്നാണ് കമന്റുകള്. എന്നാല് സര്ജറിയല്ല, മറിച്ച് പാഡ് ഉപയോഗിച്ചതാണെന്നും ചിലര് വാദിക്കുന്നുണ്ട്. ബോളിവുഡിലെ ഹണി റോസ് എന്ന കമന്റുകളും അനന്യയുടെ ചിത്രങ്ങള്ക്ക് താഴെ എത്തുന്നുണ്ട്.
നേരത്തെ ഒരു അഭിമുഖത്തില് മെലിഞ്ഞ ശരീരത്തിന്റെ പേരില് തനിക്ക് സോഷ്യല് മീഡിയയില് നിന്നും ബോഡി ഷെയ്മിംഗ് നേരിടേണ്ടി വരാറുണ്ടെന്നും അത് തന്നെ മാനസികമായി ബാധിക്കാറുണ്ടെന്നും അനന്യ പറഞ്ഞിരുന്നു. അതില് നിന്ന് രക്ഷപ്പെടാനാകും അനന്യ സര്ജറിക്ക് വിധേയായത് എന്നാണ് സോഷ്യല് മീഡിയയുടെ അഭിപ്രായം.