ഏപ്രില്‍ ഫൂള്‍ ദിനത്തില്‍ ഫിറ്റ്‌നസ് ഫ്രീക്ക് ആയ തന്റെ സുഹൃത്തിനെ പറ്റിച്ച് അക്ഷയ് കുമാര്‍. ബിസിനസ്സ്മാനായ മനീഷ് മന്ദാനയെയാണ് അക്ഷയ് കുമാര്‍ പറ്റിച്ചത്. ഏപ്രില്‍ ഫൂള്‍സ് ഡേ എന്ന ഹാഷ്ടാഗോടെ താരം തന്നെയാണ് സുഹൃത്തിനെ പറ്റിക്കുന്ന വീഡിയോ പങ്കുവച്ചിരിക്കുന്നത്.
രണ്ട് കൈകള്‍ കൊണ്ടും ഒരാളെ എടുത്ത് പൊക്കുന്ന വിദ്യ കാണിക്കാം എന്നാണ് വീഡിയോയില്‍ അക്ഷയ് സുഹൃത്തിനോട് പറയുന്നത്. സുഹൃത്തിനെ എടുത്ത് പൊക്കുന്ന സമയത്ത് പുറകില്‍ നിന്നും മറ്റൊരാള്‍ അക്ഷയ്യെ സഹായിക്കുന്നത് വീഡിയിയോല്‍ കാണാം.
എന്നാല്‍ രണ്ട് പേര് ചേര്‍ന്നാണ് തന്നെ എടുത്തു പൊക്കിയതെന്ന് മനീഷിന് മനസിലാകുന്നില്ല. ഇതുപോലെ തന്നെയും ഉയര്‍ത്തിനോക്കാന്‍ മനീഷിനോട് അക്ഷയ് ആവശ്യപ്പെടുന്നു. എന്നാല്‍ അക്ഷയ്യെ ഒന്ന് ഉയര്‍ത്താന്‍ മനീഷിന് സാധിക്കുന്നില്ല.
സെറ്റിലെ ഏറ്റവും ചെറിയ ആരെയെങ്കിലും ഇങ്ങനെ ഉയര്‍ത്താന്‍ പറ്റുമോ എന്നും മനീഷിനോട് അക്ഷയ് ചോദിക്കുന്നുണ്ട്. എന്നാല്‍ ആരംയും താരത്തിന് ഉയര്‍ത്താന്‍ സാധിക്കുന്നില്ല. തന്റെ തന്നെ സിനിമയിലെ മീം പങ്കുവച്ചാണ് അക്ഷയ് ഈ രസകരമായ വീഡിയോ പങ്കുവച്ചിരിക്കുന്നത്.
‘ഏപ്രില്‍ ഫൂള്‍ ദിനത്തില്‍ മറ്റുള്ളവരെ എങ്ങനെ പറ്റിക്കാം എന്ന് കാണൂ’ എന്ന ക്യാപ്ഷനും വീഡിയോക്കൊപ്പം അക്ഷയ് നല്‍കിയിട്ടുണ്ട്. അതേസമയം, ‘ഒഎംജി 2’, ‘സൂരറൈ പോട്രു’ സിനിമയുടെ റീമേക്ക്, ‘ബഡേ മിയാന്‍ ഛോട്ടേ മിയാന്‍’, ‘ക്യാപ്‌സ്യൂള്‍ ഗില്‍’ എന്നീ സിനിമകളാണ് അക്ഷയ്‌യുടെതായി അണിയറയില്‍ ഒരുങ്ങി കൊണ്ടിരിക്കുന്നത്.