നടന്‍ അഭിഷേക് ബച്ചനും കോവിഡില്‍ നിന്നും രോഗമുക്തി നേടി. ഇന്ന് ഉച്ചയ്ക്ക് ശേഷം നടത്തിയ പുതിയ പരിശോധനയുടെ ഫലമാണ് നെഗറ്റീവായത്. രോഗമുക്തി നേടിയ വിവരം അഭിഷേക് സോഷ്യല്‍ മീഡിയയിലൂടെ പങ്കുവെച്ചു. കോവിഡിനെ തോല്‍പ്പിക്കുമെന്ന് ഞാന്‍ പറഞ്ഞു, തോല്‍പ്പിച്ചിരിക്കുന്നു എന്നാണ് അഭിഷേക് പറയുന്നത്.
നാനാവതി ആശുപത്രിയിലെ ആരോഗ്യ പ്രവര്‍ത്തകര്‍ക്ക് താരം നന്ദി അറിയിച്ചു. തനിക്കും കുടുംബത്തിനും വേണ്ടി പ്രാര്‍ത്ഥിച്ചവര്‍ക്കും അഭിഷേക് നന്ദി അറിയിച്ചുണ്ട്. അഭിഷേക് കോവിഡ് മുക്തി നേടി ആശുപത്രി വിട്ട വിവരം അമിതാഭ് ബച്ചനും പങ്കുവെച്ചിട്ടുണ്ട്.
“”അഭിഷേകിന് കോവിഡ് നെഗറ്റീവായി…ആശുപത്രിയില്‍ നിന്നും ഡിസ്ചാര്‍ജായി..വീട്ടിലേക്ക് വരികയാണ്..ദൈവം മഹാനാണ്..പ്രാര്‍ത്ഥനകള്‍ക്ക് നന്ദി”” എന്നാണ് അമിതാഭ് ബച്ചന് കുറിച്ചത്. കോവിഡ് രോഗലക്ഷണങ്ങള്‍ കണ്ടതിനെ തുടര്‍ന്ന് ജൂലൈ 11, 12 തിയതികളിലായാണ് അമിതാഭ് ബച്ചനെയും അഭിഷേകിനെയും ഐശ്വര്യയെയും മകള്‍ ആരാധ്യയെയും ആശുപത്രിയില്‍ പ്രവേശിപ്പിച്ചത്.
https://www.instagram.com/p/CDn1fvEJZXo/?utm_source=ig_embed
ജൂലൈ 27-ന് ഐശ്വര്യയും ആരാധ്യയയും രോഗമുക്തി നേടിയിരുന്നു. ഓഗസ്റ്റ് 2-നാണ് അമിതാഭ് ബച്ചന് കോവിഡ് നെഗറ്റീവായത്. കോവിഡ് പോസിറ്റീവായതിനെ തുടര്‍ന്ന് അഭിഷേക് ആശുപത്രിയില്‍ തന്നെ തുടരുകയായിരുന്നു. വേഗം തന്നെ താനും രോഗമുക്തി നേടി തിരിച്ചെത്തുമെന്ന് അഭിഷേക് സോഷ്യല്‍ മീഡിയയില്‍ കുറിച്ചിരുന്നു.