‘കെജിഎഫ് 2’ റിലീസ് ദിവസം തന്നെ ‘ലാല് സിങ് ഛദ്ദ’യും റിലീസ് ചെയ്യാന് ഒരുങ്ങുന്നതില് യഷിനോട് ക്ഷമ ചോദിച്ച് ആമിര് ഖാന്. അടുത്ത വര്ഷം ഏപ്രില് 14നാണ് ഇരു സിനിമകളുടെയും റിലീസ്. കെജിഎഫ് ടീമിനോട് താന് ക്ഷമ ചോദിക്കുന്നതായും കെജിഎഫിനായി പ്രമോഷന് ഏറ്റെടുക്കുമെന്നും ആമിര് വ്യക്തമാക്കി.
എന്തുകൊണ്ട് ഏപ്രില് 14ന് തന്നെ ലാല് സിങ് ഛദ്ദ റിലീസ് ചെയ്യുന്നു എന്ന് വിശദമാക്കി കെജിഎഫ് താരം യഷ്, സംവിധായകന് പ്രശാന്ത് നീല്, നിര്മ്മാതാവ് വിജയ് കിരാഗന്ദൂര് എന്നിവര്ക്ക് കത്തയച്ചെന്നും ആമിര് ട്രേഡ് അനലിസ്റ്റ് കോമള് നഹ്തയ്ക്ക് നല്കിയ അഭിമുഖത്തില് ആമിര് വെളിപ്പെടുത്തി.
മറ്റൊരു വന് സിനിമ റിലീസ് ചെയ്യാന് തീരുമാനിച്ച ദിവസം താന് പൊതുവെ തന്റെ സിനിമ റിലീസ് ചെയ്യാറില്ല. മറ്റൊരാളുടെ പ്രദേശത്ത് അതിക്രമിച്ച് കടക്കുന്നതിനെ വെറുക്കുന്നു. പക്ഷേ ലാല് സിങ് ഛദ്ദയില് സിഖുകാരനെയാണ് താന് അവതരിപ്പിക്കുന്നത്. ബൈസാഖി ദിനമായ ഏപ്രില് 14 ആണ് സിനിമയുടെ റിലീസിന് ഏറ്റവും അനുയോജ്യം.
യഷുമായി ദീര്ഘ നേരം സംസാരിച്ചു. അദ്ദേഹം തന്നെ പിന്തുണച്ചു. കെജിഎഫ് എന്നത് ബ്രാന്ഡ് ആണെന്നും അതിനാല് സിനിമയുടെ തുടര് ഭാഗത്തിനായി ആളുകള് കാത്തിരിക്കുകയാണെന്നും താന് പറഞ്ഞു. കെജിഎഫ് ആക്ഷന് സിനിമയാണ്. തന്റെത് കുടുംബ കഥയാണ്.
അതുകൊണ്ട് സിനിമകളുടെ കളക്ഷനെ പരസ്പരം ബാധിക്കില്ലെന്ന് കരുതുന്നു. കെജിഎഫിന്റെ പ്രമോഷന് ഏറ്റെടുക്കാനുള്ള സന്നദ്ധത താന് അറിയിച്ചു. ഏപ്രില് 14ന് തന്നെ തിയേറ്ററിലെത്തി കെജിഎഫ് കാണുമെന്നും യഷിനോട് പറഞ്ഞുവെന്നും ആമിര് ഖാന് വ്യക്തമാക്കി.