ബോളീവുഡിലെ പൊലീസ് ചിത്രങ്ങളുടെ ആരാധകർ അവേശത്തോടെ സ്വീകരിച്ച ചിത്രങ്ങളാണ് സിങ്കം സീരീസിലേത്. ഇതുവരെ നാലു ചിത്രങ്ങളാണ് ഈ ഫ്രാഞ്ചെസിയിൽ എത്തിയിരിക്കുന്നത്. അജയ് ദേവ്ഗൺ, രൺവീർ സിംഗ്, അക്ഷയ് കുമാർ എന്നിവര്‍ പ്രധാന വേഷങ്ങളിലെത്തിയ ചിത്രങ്ങളായിരുന്നു ഇവ. “സിങ്കം, സിങ്കം റിട്ടേൺസ്, സിംബ, സൂര്യവംശി. എന്നീ ചിത്രങ്ങളാണ് രോഹിത് ഷെട്ടിയുടെ സംവിദാനത്തിൽ ബോളിവുഡിനെ ഇളക്കി മറിച്ച പൊലീസ് ചിത്രങ്ങൾ.
ഇപ്പോഴിതാ സിങ്കം സീരീലെ അഞ്ചാമത് ചിത്രം എത്തുകയാണ്. സിങ്കം എഗെയ്ന് എന്ന പുതിയ ചിത്രത്തിന്‍റെ ചിത്രീകരണം ശനിയാഴ്ച ആരംഭിച്ചു.;ച്ത്രത്തിന്റെ പൂജയുടെ ദൃശ്യങ്ങള്‍ താരങ്ങളായ അജയ് ദേവ്ഗൺ, രൺവീർ സിംഗ്, അക്ഷയ് കുമാർ എന്നിവര്‍ സോഷ്യല്‍ മീഡിയയില്‍ പങ്കുവച്ചു.
ഇതുമായി ബന്ധപ്പെട്ട് വളരെ വൈകാരികമായ കുറിപ്പോടെയാണ് സംവിധായകൻ രോഹിത് ഷെട്ടി ചിത്രം പങ്കുവച്ചത്. “സിങ്കം, സിങ്കം റിട്ടേൺസ്, സിംബ, സൂര്യവംശി. പന്ത്രണ്ട് വർഷം മുമ്പ്, ഞങ്ങൾ സിങ്കം ഇറക്കുമ്പോള്‍, അത് ഒരു കോപ്പ് യൂണിവേഴ്‌സായി മാറുമെന്ന് ഒരിക്കലും കരുതിയിരുന്നില്ല! ഇന്ന്, ഞങ്ങൾ സിങ്കം എഗെയ്ന് ചിത്രീകരണം ആരംഭിക്കുന്നു. ഞങ്ങളുടെ കോപ്പ് ഫ്രാഞ്ചൈസിയിലെ അഞ്ചാമത്തെ സിനിമ. ഞങ്ങളുടെ ജീവിതം തന്നെ ഈ സിനിമയിലുണ്ട്, നിങ്ങളുടെ സ്നേഹവും പ്രാര്‍ത്ഥനയും വേണം” – രോഹിത് ഷെട്ടി കുറിച്ചു.