സാമൂഹ്യ മാധ്യമങ്ങളിലൂടെ കമിതാക്കളുടെ കൗതുകമുണര്ത്തുന്ന ഏറെ വീഡിയോകള് ദിനംപ്രതി നമുക്ക് മുന്നിലെത്താറുണ്ട്. ഇവയില് ചിലത് സാമൂഹ്യ മാധ്യമങ്ങളില് വൈറലാകാനും കാഴ്ചക്കാരുടെ എണ്ണം വര്ദ്ധിപ്പിക്കാനും മാത്രം ഉദ്ദേശിച്ച് തയ്യാറാക്കുന്നവയാണ്. പലപ്പോഴും കമിതാക്കളുടെ പ്രണയാതുരമായ വീഡിയോകള്ക്ക് സാമൂഹ്യ മാധ്യമങ്ങളില് വന് തോതില് കാഴ്ചക്കാരെ ലഭിക്കാറുണ്ട്.
മുന്പ് കാമുകിയുടെ വായില് പാലൊഴിച്ച ശേഷം സ്പൂണില് കോരില് കുടിക്കുന്ന കാമുകന് ഏറെ വൈറലായിരുന്നു. ഇത്തരത്തില് വൈറലായൊരു വീഡിയോയാണ് സാമൂഹ്യ മാധ്യമങ്ങളിലെ ചര്ച്ചാ വിഷയം. വഴിയോര കച്ചവടക്കാരനില് നിന്ന് വാങ്ങിയ പാനിപൂരി കഴിക്കുന്നതിലെ വ്യത്യസ്തതയാണ് ഒടുവിലെത്തിയ വൈറല് വീഡിയോയുടെ വിഷയം.
കാമുകി വായില് ഗോല്ഗപ്പയുമായി നില്ക്കുമ്പോള് കാമുകന് പാനി തന്റെ വായില് നിറച്ച ശേഷം പെണ്കുട്ടിയുടെ വായിലേക്ക് പകരുന്നതാണ് പുതിയ വീഡിയോ. ഇതിനിടയില് കച്ചവടക്കാരന് മുഖം തിരിക്കുന്നതും വീഡിയോയില് വ്യക്തമാണ്.
നിരവധി കമന്റുകളാണ് വീഡിയോയ്ക്ക് ലഭിക്കുന്നത്. പാനിപൂരി ഇങ്ങനെയും കഴിക്കാന് സാധിക്കുമോ എന്ന് കമന്റ് ചെയ്തവരുണ്ട്. ചിലര് ഇതെല്ലാം വ്യക്തിപരമായ കാര്യങ്ങളാണെന്നും എന്നാല് മറ്റുള്ളവരെ കാണിക്കുന്നത് അല്പം കൂടിപോയെന്നും അഭിപ്രായപ്പെടുന്നു.