പുതുവര്ഷത്തില് കൊച്ചി ലുലു മാളില് വന് വിലക്കിഴിവിന്റെ ഉത്സവം. ബ്രാന്ഡഡ് ഉത്പന്നങ്ങള്ക്ക് 50 ശതമാനം വിലക്കുറവ് സമ്മാനിച്ച് ‘ ഫ്ലാറ്റ് 50 സെയിലിന് ജനുവരി 5ന് തുടക്കമാകും. വിവിധ പ്രമുഖ ബ്രാന്ഡുകളുടെ ഫാഷന്, ഇലക്ട്രോണിക്സ്, ഗൃഹോപകരണങ്ങള്, ഗ്രോസറി തുടങ്ങി എന്തും 50 ശതമാനം വിലക്കുറവില് സ്വന്തമാക്കാനുള്ള സുവര്ണ്ണാവസരമാണ് ഇതിലൂടെ ഉപഭോക്താക്കള്ക്ക് ലഭിക്കുക.
ലുലു ഫണ്ടൂറയില് ഉള്പ്പടെ വലിയ ഓഫറുകളാണ് ഗെയിം സെക്ഷനുകളില് കുട്ടികളെ കാത്തിരിക്കുന്നത്. ലുലു ഫുഡ് കോര്ട്ടിലും മികച്ച ഓഫറുകളാണ് ഏര്പ്പെടുത്തിയിരിക്കുന്നത്. ജനുവരി 5 മുതല് 8 വരെ നാല് ദിവസത്തേക്കാണ് ‘ ലുലു ഓണ് സെയില് ‘ നടക്കുന്നത്. ഇതിന്റെ ഭാഗമായി ലുലു സ്റ്റോറുകള് രാവിലെ 8 മണി മുതല് പുലര്ച്ചെ 2 മണി വരെ തുറന്നു പ്രവര്ത്തിക്കുന്നതാണ്. ലോകോത്തര ബ്രാന്ഡുകളുടെ ടെക് ഗാഡ്ജറ്റുകള്ക്കും ഗൃഹോപകരണങ്ങള്ക്കും ആകര്ഷകമായ ഓഫറുകള് ഒരുക്കിക്കൊണ്ടാണ് ലുലു കണക്റ്റ് സജ്ജമായിരിക്കുന്നത്. ലുലു ഹൈപ്പര്മാര്ക്കറ്റില് ഗ്രോസറികള്ക്കായി ആകര്ഷകമായ ഓഫറുകള് ഉണ്ട്.
ബാഗുകള്, പാദരക്ഷകള്, കായികോപകരണങ്ങള്, വീട്ടുപകരണങ്ങള്, ഇലക്ട്രോണിക്സ്, ആഭരണങ്ങള്, വാച്ചുകള് ഇവ കൂടാതെ സ്വാദിഷ്ടമായ വിവിധ ഭക്ഷണ വിഭവങ്ങള് വരെ മികച്ച വിലക്കുറവില് ലഭ്യമാക്കുന്നു. ലുലു ഫാഷന് സ്റ്റോറില് എന്ഡ് ഓഫ് സീസണ് സെയിലിനും തുടക്കമായി കഴിഞ്ഞു. ജനുവരി രണ്ടിന് തുടങ്ങിയ ഈ ഓഫര് ഈ മാസം 22 വരെയുണ്ടാകും. മികച്ച ഫാഷന് ബ്രാന്ഡുകളുടെ എറ്റവും പുതിയ വസ്ത്രശേഖരങ്ങളും ഫാഷന് അക്സെസ്സറീസും പകുതി നിരക്കില് സ്വന്തമാക്കാനുള്ള സുവര്ണ്ണാവസരമാണ് ഒരുങ്ങിയിരിക്കുന്നത്.
ലെവിസ്, ലീ, പ്യൂമ, വുഡ്ലാന്ഡ്, സ്കെച്ചേഴ്സ്, ആറോ, മാര്ക്സ് ആന്ഡ് സ്പെന്സര്, ടോമി, യുഎസ് പോളോ, ബേസിക്സ്, അര്മാനി എക്സ്ചേഞ്ച്, മാംഗോ, ക്രോക്സ്, ബാറ്റ തുടങ്ങി 500 ലധികം ബ്രാന്ഡുകളാണ് വന് വിലക്കിഴിവില് ലുലു മാളില് ലഭ്യമാകുന്നത്. പിവിആര് അടക്കമുള്ള സ്ക്രീനുകളിലെ സിനിമാ ഷോകള്ക്ക് കൂടുതല് ഓഫറുകള് നല്കിയിട്ടുണ്ട്. ലുലു മാളില് എത്തുന്ന ഉപഭോക്താക്കളുടെ ഓണ്ലൈന് ടാക്സി ബുക്കിങ്ങുകള്ക്ക് ഓല 51 രൂപയുടെ ഡിസ്കൗണ്ടും പ്രഖ്യാപിച്ചിട്ടുണ്ട്.