അദാനി എന്റര്‍പ്രൈസിന്റെ പ്രവര്‍ത്തനലാഭത്തില്‍ വന്‍ കുതിച്ച് ചാട്ടം; 664ശതമാനം വര്‍ദ്ധനവ്; ആസ്തി ഉയര്‍ത്തി വ്യവസായ ഭീമന്‍; ഗൗതം അദാനിയുടെ ഇനിയുള്ള ലക്ഷ്യം മുകേഷ് അംബാനി

ഇന്ത്യയിലെ വ്യവസായ ഭീമന്‍ ഗൗതം അദാനിയുടെ ഉടമസ്ഥതയിലുള്ള അദാനി എന്റര്‍പ്രൈസിന്റെ പ്രവര്‍ത്തനലാഭത്തില്‍ വന്‍ കുതിച്ച് ചാട്ടം. സെപ്തംബറില്‍ അവസാനിച്ച സാമ്പത്തിക വര്‍ഷത്തിന്റെ രണ്ടാം പാദത്തില്‍ ലാഭം 664 ശതമാനമാണ് ഉയര്‍ന്നത്. 1,742 കോടിയായാണ് ലാഭം ഉയര്‍ന്നിരിക്കുന്നത്. കഴിഞ്ഞ വര്‍ഷം ഇതേസമയത്ത് 228 കോടിയായിരുന്നു അദാനി എന്റര്‍പ്രൈസിന്റെ ലാഭം.

കമ്പനിയുടെ ഓപ്പറേഷന്‍സില്‍ നിന്നുള്ള വരുമാനം 22,608 കോടിയാണ്. 16 ശതമാനം വര്‍ധനയാണ് വരുമാനത്തില്‍ ഉണ്ടായത്. 19,546 കോടിയായാണ് വരുമാനം ഉയര്‍ന്നത്. നോണ്‍ കണ്‍വെര്‍ട്ടബിള്‍ ഡിബഞ്ചേഴ്‌സിലൂടെ 2,000 കോടി സ്വരുപീക്കാനും കമ്പനി ബോര്‍ഡ് അംഗീകാരം നല്‍കി.

ഒന്നാം പാദവുമായി താരതമ്യം ചെയ്യുമ്പോള്‍ 20 ശതമാനം ലാഭവര്‍ധനയാണ് അദാനിക്കുണ്ടായിരിക്കുന്നത്. അതേസമയം ഒന്നാംപാദവുമായി താരതമ്യം ചെയ്യുമ്പോള്‍ കമ്പനിയുടെ വരുമാനത്തില്‍ 11 ശതമാനം കുറവുണ്ട്. ആദ്യപാദത്തില്‍ 25,472.40 കോടിയായിരുന്നു കമ്പനിയുടെ വരുമാനം.

മുകേഷ് അംബാനിക്കു പിന്നില്‍ ഇന്ത്യയിലെ ഏറ്റവും വലിയ രണ്ടാമത്തെ കോടീശ്വരനാമണ് ഗൗതം. അതേസമയം അദ്ദേഹം അതിവേഗം ആസ്തി വര്‍ധിപ്പിച്ചു വരുന്നുവെന്നു റിപ്പോര്‍ട്ടുകള്‍ വ്യക്തമാക്കുന്നു.
നിലവില്‍ 15.5 ലക്ഷം കോടി വിപണിമൂല്യമുള്ള അദ്ദേഹത്തിന്റെ സാമ്രാജ്യം കഴിഞ്ഞ പാദത്തില്‍ അതിഗംഭീര പ്രകടനമാണു കാഴ്ചവച്ചിരിക്കുന്നത്. ഇന്ത്യന്‍ ഓഹരി വിപണികള്‍ കടുത്ത സമ്മര്‍ദം നേരിട്ട കഴിഞ്ഞ വാരം, മികച്ച പ്രവര്‍ത്തന റിപ്പോര്‍ട്ടിന്റെ പിന്‍ബലത്തില്‍ അദാനി 39,000 കോടി രൂപയുടെ ആസ്തി വര്‍ധന രേഖപ്പെടുത്തി. ഫോര്‍ബ്‌സ് റിപ്പോര്‍ട്ട് പ്രകാരം, 62 വയസുകാരനായ ഗൗതം അദാനിയുടെ നിലവിലെ തല്‍സമയ ആസ്തി 76.9 ബില്യണ്‍ ഡോളറാണ്.

ആഗോള കോടീശ്വര പട്ടികളില്‍ നിലവില്‍ 21-ാം സ്ഥാനത്താണ് ഈ ഇന്ത്യന്‍ വ്യവസായി. അദാനി ഗ്രൂപ്പിന്റെ ലിസ്റ്റുചെയ്ത പത്ത് സ്ഥാപനങ്ങളില്‍ ഒമ്പതെണ്ണത്തിന്റെയും വിപണി മൂല്യം കഴിഞ്ഞ വാരം ഗണ്യമായി വര്‍ധിച്ചു. ഇതിന്റെ പ്രതിഫലനമാണ് അദാനിയുടെ സമ്പത്തില്‍ കണ്ടത്.

Latest Stories

ഗോവിന്ദച്ചാമിയുടെ ജയില്‍ച്ചാട്ടവുമായി ബന്ധപ്പെട്ട് അഭിമുഖം; ഡെപ്യൂട്ടി പ്രിസണ്‍ ഓഫീസറെ സസ്‌പെന്‍ഡ് ചെയ്തു

അഫ്ഗാന്‍ പൗരന്മാരെ കൂട്ടത്തോടെ നാടുകടത്താന്‍ ഇറാന്‍; ഇസ്രയേല്‍ വ്യോമാക്രമണങ്ങള്‍ക്ക് സഹായം നല്‍കിയതായി ആരോപണം

കോഴിക്കോട് എംഡിഎംഎയുമായി യുവതികള്‍ ഉള്‍പ്പെടെ മൂന്ന് പേര്‍ പിടിയില്‍; ആന്‍സി പിടിയിലായത് ലഹരി കേസില്‍ ജാമ്യത്തിലിറങ്ങിയതിന് പിന്നാലെ

കാപിറ്റല്‍ പണിഷ്‌മെന്റ് എന്നൊരു വാക്കുപോലും പറഞ്ഞിട്ടില്ല; വിശദീകരണവുമായി ചിന്ത ജെറോം രംഗത്ത്

Asia Cup 2025: പാകിസ്ഥാനുമായി കളിക്കാൻ സമ്മതിച്ച ബിസിസിഐക്ക് എതിരെ ആരാധകർ, ബഹിഷ്‌കരണ ആഹ്വാനം

യുഡിഎഫ് 100 സീറ്റ് നേടിയാല്‍ താന്‍ രാജിവയ്ക്കും; വിഡി സതീശനെ വെല്ലുവിളിച്ച് വെള്ളാപ്പള്ളി നടേശന്‍

ബുംറയെ എനിക്ക് ഭയമില്ല, എന്നാൽ എന്നെ പേടിപ്പിച്ച ഒരു ബോളർ ഉണ്ട്: എ ബി ഡിവില്ലിയേഴ്‌സ്

ലക്കി ഭാസ്കറിന് ശേഷം ഞെട്ടിക്കാൻ ദുൽഖർ സൽമാൻ, കാന്ത ടീസർ അപ്ഡേറ്റ് പുറത്തുവിട്ട് അണിയറക്കാർ

കൊല്ലത്ത് ഭാര്യയെ കൊലപ്പെടുത്തി ഭർത്താവ് ആത്മഹത്യ ചെയ്തു; കുടുംബപ്രശ്‌നങ്ങൾ എന്ന് സൂചന

എന്റെ പൊന്നു മക്കളെ ഗംഭീറിന്റെ തീരുമാനങ്ങൾ കേൾക്കരുത്, നിങ്ങൾ ആ താരം പറയുന്നത് കേട്ടാൽ മതി : സുനിൽ ഗവാസ്കർ