സര്‍ക്കാരിന് മുന്നേ നീട്ടിയെറിഞ്ഞ് കൊറിയര്‍ കമ്പനി; ബ്ലൂ ഡാര്‍ട്ട് ഡാര്‍ട്ട് പ്ലസ് ഇനി 'ഭാരത് ഡാര്‍ട്ട്'; പേരുമാറ്റത്തില്‍ കുതിച്ച് കാളകള്‍; ഓഹരികളില്‍ വന്‍ മുന്നേറ്റം; ലക്ഷങ്ങള്‍ വാരി നിക്ഷേപകര്‍

കൊറിയര്‍ കമ്പനിയായ ബ്ലൂ ഡാര്‍ട്ട് തങ്ങളുടെ പ്രീമിയം സേവന വിഭാഗത്തിന്റെ പേര് മാറ്റിയതിന് പിന്നാലെ ഓഹരികളില്‍ വന്‍ കുതിപ്പ്. ഡാര്‍ട്ട് പ്ലാസിന്റെ പേര് ‘ഭാരത് ഡാര്‍ട്ട്’ എന്നാക്കിയാണ് ബ്ലൂ ഡാര്‍ട്ട് റീബ്രാന്‍ഡ് ചെയ്തിരിക്കുന്നത്. ഈ വാര്‍ത്ത പുറത്തുവന്നതിന് പിന്നാലെ ബ്ലൂ ഡാര്‍ട്ട് ഓഹരികളില്‍ പത്തു ശതമാനത്തിലധികം വര്‍ദ്ധനവാണ് ഉണ്ടായിരിക്കുന്നത്.

കഴിഞ്ഞ് അഞ്ച് വ്യാപാര ദിനങ്ങളായി 8.7 ശതമാനത്തോളം ഉയര്‍ച്ച രേഖപ്പെടുത്തിയ ബ്ലൂ ഡാര്‍ട്ട് ഓഹരി ഇന്നലെ മാത്രം രണ്ട് ശതമാനത്തിനു മുകളിലാണ് വ്യാപാരം അവസാനിപ്പിച്ചത്. ഇന്നും ഓഹരി വിപണിയില്‍ ബ്ലൂ ഡാര്‍ട്ട് ഓഹരികള്‍ വന്‍ കുതിപ്പാണ് നടത്തുന്നത്. ഒരു ശതമാനത്തിലധികം വര്‍ദ്ധനവാണ് വിപണി തുറന്നപ്പോള്‍ തന്നെ ഉണ്ടായിരിക്കുന്നത്.

കഴിഞ്ഞ ഒരു ആഴ്ചക്കിടെ ഓഹരിയുടെ നേട്ടം 10.13 ശതമാനമാണ്. 16.07 ലക്ഷം കോടി രൂപ വിപണി മൂല്യമുള്ള മുംബൈ ആസ്ഥാനമായുള്ള കമ്പനിയാണ് ബ്ലൂ ഡാര്‍ട്ട്. കാര്‍ഗോ എയര്‍ലൈന്‍, ബ്ലൂ ഡാര്‍ട്ട് ഏവിയേഷന്‍ എന്നിവ ഉപകമ്പനികളാണ്. അമേരിക്കന്‍ ലൊജിസ്റ്റിക് കമ്പനിയായ ഡി.എച്ച്.എല്‍ ആണ് മാതൃകമ്പനി.

രാജ്യം മുഴുവന്‍ സേവനം നല്‍കുന്ന കമ്പനിയെന്ന നിലയില്‍ റീബ്രാന്‍ഡിംഗ് കമ്പനിയെ സംബന്ധിച്ച് ആവേശകരമായ പരിവര്‍ത്തനമാണെന്നും ‘ഭാരത് ഡാര്‍ട്ട്’ എന്ന പേര് വരാനിരിക്കുന്ന പുതിയ അദ്ധ്യായങ്ങളുടെ തുടക്കമാണെന്നും ബ്ലൂ ഡാര്‍ട്ട് മാനേജിംഗ് ഡയറക്ടര്‍ ബാലര്‍ഫോര്‍ മാനുവല്‍ പ്രസ്താവനയിലൂടെ അറിയിച്ചു.

ഇന്ത്യ ആതിഥ്യമരുളിയ ജി-20 ഉച്ചകോടിയില്‍ പ്രധാനമന്ത്രി നരേന്ദ്ര മോദിയുടെ ഇരിപ്പിടത്തില്‍ ഇന്ത്യയ്ക്ക് പകരം ഭാരത് എന്ന് രേഖപ്പെടുത്തി ദിവസങ്ങള്‍ക്കുള്ളിലാണ് പേര് മാറ്റം പ്രഖ്യാപിച്ച് ബ്ലൂ ഡാര്‍ട്ട് രംഗത്ത് എത്തിയിരിക്കുന്നത്. സെപ്റ്റംബര്‍ ഏഴിന് ബ്ലൂ ഡാര്‍ട്ടിന്റെ ഒരു ഓഹരിക്ക് 6264 രൂപയായിരുന്നു വില. ഇന്ന് ഉച്ചയ്ക്ക് 12ന് അത് 6876 രൂപയായി ഉയര്‍ന്നിട്ടുണ്ട്. ഇതോടെ നിക്ഷേപകര്‍ക്ക് ലക്ഷങ്ങളുടെ ലാഭമാണ് ലഭിച്ചിരിക്കുന്നത്.

Latest Stories

'ബിജെപി സ്ഥാനാര്‍ത്ഥിയെ തോല്‍പ്പിച്ചു, മന്ത്രി ജീവിക്കാൻ അനുവദിക്കുന്നില്ല'; റാവു നര്‍ബീര്‍ സിംഗിനെതിരെ ആരോപണവുമായി മനേസര്‍ മേയര്‍

പിഎം കുസും സോളാര്‍ പമ്പ് പദ്ധതിയില്‍ അഴിമതി ആരോപണം; കണക്കുകള്‍ പുറത്തുവിട്ട് രമേശ് ചെന്നിത്തല

'മതമില്ലാതെ വളരുന്ന കുട്ടികളാണ് നാളെയുടെ വാഗ്ദാനങ്ങൾ, മറ്റുള്ളവർ ചോദിക്കാൻ മടിക്കുന്ന ചോദ്യങ്ങൾ അവർ ചോദിക്കും'; ഹൈക്കോടതി ജസ്റ്റിസ് വി ജി അരുൺ

'മുഖ്യമന്ത്രിയാകാന്‍ യോഗ്യന്‍ ഞാന്‍ തന്നെ'; സര്‍വേ ഫലം പുറത്തുവിട്ട് ശശി തരൂര്‍; വീണ്ടും വെട്ടിലായി യുഡിഎഫ് നേതൃത്വം

'ഇനി ജാനകി ഇല്ല, ജാനകി വി'; ജെഎസ്‌കെ സിനിമയുടെ ടൈറ്റിൽ മാറ്റുമെന്ന് നിർമാതാകൾ ഹൈക്കോടതിയിൽ

ട്രംപ് VS മസ്‌ക്: സ്‌പേസ് എക്‌സുമായുള്ള ഹൈപ്പര്‍ സോണിക് റോക്കറ്റ് പദ്ധതി ഉപേക്ഷിച്ച് യുഎസ് വ്യോമസേന; പഴയ 'മുട്ട ശപഥം' തന്നെ ഇക്കുറിയും പ്രശ്‌നം

അബ്ദുൽ റഹീമിന് 20 വർഷം തടവ് ശിക്ഷ; കീഴ് കോടതി വിധി ശരിവെച്ച് അപ്പീൽ കോടതി

1600 കോടി ബജറ്റിൽ രാമായണ, ബ്രഹ്മാണ്ഡ ചിത്രത്തിനായി രൺബീറും യഷും വാങ്ങുന്ന പ്രതിഫലം പുറത്ത്, സായി പല്ലവിക്കും റെക്കോഡ് തുക

ഗുജറാത്തിൽ പാലം തകർന്നു, വാഹനങ്ങൾ നദിയിലേക്ക് വീണു; ഒമ്പത് മരണം - വീഡിയോ

കേരളത്തില്‍ മികച്ച ചികിത്സാസൗകര്യം ഉണ്ടായിരുന്നെങ്കില്‍ മുഖ്യമന്ത്രിക്ക് ഇവിടെ ചികിത്സ തേടുമായിരുന്നില്ലേ; മന്ത്രി സജി ചെറിയാന്‍ പറഞ്ഞതാണ് സത്യമെന്ന് കെപിസിസി പ്രസിഡന്റ്