പുതിയ മോഡലുകളുമായി ബിഎംഡബ്ല്യു വരുന്നു എന്നുകേട്ട് കാത്തിരിക്കാൻ തുടങ്ങിയ ബൈക്ക് പ്രേമികൾക്ക് സന്തോഷ വാർത്ത. ബിഎംഡബ്ല്യു മോട്ടോറാഡ് നിരയിലേക്ക് പുതിയ രണ്ട് ബൈക്കുകള് കൂടി എത്തിയിരിക്കുന്നു. R90 റേസര്, K 1600B ബാഗര് മോട്ടോര് സൈക്കിളുകളെയാണ് ബിഎംഡബ്ല്യു പുതുതായി അവതരിപ്പിച്ചത്. ബൈക്ക് പ്രേമികളുടെ ഒരു വര്ഷത്തെ കാത്തിരിപ്പിന് വിരാമമിട്ടാണ് പുതിയ ടൂറിംഗ് മോട്ടോര്സൈക്കിളിനെ ഇന്ത്യന് വിപണിയില് കമ്പനി ഇപ്പോള് എത്തിച്ചിരിക്കുന്നത്.
29 ലക്ഷം രൂപയാണ് പുതിയ ബിഎംഡബ്ല്യു K 1600B ബാഗറിന്റെ ദില്ലി എക്സ്ഷോറൂം വില. K 1600GT യെ അടിസ്ഥാനപ്പെടുത്തിയാണ് പുതിയ K 1600B ബാഗറിനെ ബിഎംഡബ്ല്യു ഒരുക്കിയിരിക്കുന്നത്. ഗോവയില് നടന്നു വരുന്ന ഇന്ത്യ ബൈക്ക് വീക്കിലാണ് പുതിയ ബൈക്കുകളെ ബിഎംഡബ്ല്യു അവതരിപ്പിച്ചത്.
പൊക്കം കുറഞ്ഞ റൈഡര്മാര്ക്ക് വേണ്ടി പുതിയ മോട്ടോര്സൈക്കിളിന്റെ സീറ്റ് ഉയരം കമ്പനി പ്രത്യേകം കുറച്ചിട്ടുണ്ട്. മികച്ച രീതിയിലുള്ള പുതിയ ടെയില് എന്ഡാണ് K 1600B ബാഗറിന്റെ പ്രധാന ആകര്ഷണം. 6 സ്പീഡ് ഗിയര്ബോക്സ്, ഡ്യുവോലെവര്, പാരാലെവര് സസ്പെന്ഷന് യൂണിറ്റുകളോടെയാണ് പുതിയ ബിഎംഡബ്ല്യു K 1600B എത്തുന്നത്. സാറ്റലൈറ്റ് റേഡിയോ, ബ്ലൂടൂത്ത് കണക്ടിവിറ്റിയോടെയുള്ള 5.7 ഇഞ്ച് ഫുള്കളര് TFT ഇന്സ്ട്രമെന്റ് കണ്സോളാണ് K 1600B യുടെ മറ്റൊരു പ്രത്യേകത.