അസോസിയേറ്റ് പ്രൊഫസര് തസ്തികയിലേക്ക് ആറ് പേരാണ് അഭിമുഖത്തിനെത്തിയത്. അഭിമുഖത്തില് പങ്കെടുത്തവര്ക്ക് ലഭിച്ച റിസര്ച്ച് സ്കോര് വിവാദമായിരുന്നു. രണ്ടാം റാങ്ക് ലഭിച്ച ജോസഫ് സ്കറിയയുടെ റിസര്ച്ച് സ്കോര് 651 ആണ്. അഭിമുഖത്തിലെ മാര്ക്ക് 30. മൂന്നാം റാങ്കുള്ള സി.ഗണേഷിന്റെ റിസര്ച്ച് സ്കോര് 645. ഇന്റര്വ്യൂവില് കിട്ടിയത് 28 മാര്ക്ക്. ഇതില് ഗവേഷണ പ്രബന്ധങ്ങള്ക്ക് അടക്കമുള്ള റിസര്ച്ച് സ്കോര് ഏറ്റവും കുറവ് കിട്ടിയത് പ്രിയ വര്ഗീസിനാണ്. 156 മാര്ക്കാണ് പ്രിയക്ക് ലഭിച്ചത്. പക്ഷെ അഭിമുഖത്തില് പ്രിയക്ക് കിട്ടിയത് 32 മാര്ക്കായിരുന്നു. ഇതാണ് ഹൈക്കോടതിയില് ചോദ്യം ചെയ്യപ്പെട്ടത്.