സന്തോഷ് ട്രോഫി ചരിത്രത്തിലെ ഏറ്റവും മികച്ച ടീമുകളിൽ ഒന്നാണ് പശ്ചിമ ബംഗാൾ. ചരിത്രത്തിൽ ഏറ്റവും കൂടുതൽ കിരീടം നേടിയ ടീം ഇന്ന് നടക്കുന്ന മത്സരത്തിൽ നേരിടാനിരിക്കുന്നത് കേരളത്തെയാണ്. ആദ്യ മത്സരത്തിൽ തകർപ്പൻ ജയം നേടിയ കേരളത്തെ ആയിരിക്കില്ല മറിച്ച് നിറഞ്ഞു കവിഞ്ഞ ആരാധകരുടെ പിന്തുണയോടെ കളിക്കുന്ന കേരളത്തെ ബംഗാൾ ഭയപെടുന്നുണ്ട്.
ആദ്യ മത്സരത്തിൽ ഹാട്രിക്ക് നേടിയ നായകൻ ജിജോ ജോസഫിന്റെ മികവിൽ കേരളം രാജസ്ഥാനെ കീഴടക്കിയത്. അതേസമയം ശുഭം ഭൗമിക്കിന്റെ ഗോളിൽ പഞ്ചാബിനെതിരെ 1-0 ന് കഠിനമായ പോരാട്ടത്തിൻ്റെ പിൻബലത്തിലാണ് വിജയം നേടിയത്.
മുന്നോട്ടുള്ള യാത്രയിൽ ഇരു ടീമുകൾക്കും ജയം അനിവാര്യമായിരിക്കെ പോരാട്ടം കനക്കുമെന്ന് ഉറപ്പാണ്. ആദ്യ മത്സരത്തിൽ 5 ഗോൾ വ്യത്യാസത്തിലാണ് ജയിച്ചതെങ്കിലും മുന്നേറ്റ നിര താളം കണ്ടെത്താതത് കേരളത്തിന് തലവേദനയാണ്. ദുർബലരായ രാജസ്ഥാനെ പോലെ അല്ല ബംഗാൾ എന്നതിനാൽ തന്നെ കൂടുതൽ ഒത്തൊരുമ കേരളം കാണിക്കണം.