ലോക കപ്പ് ഫുട്ബോള് യോഗ്യത തേടിയുള്ള പ്ലേ ഓഫ് ഫൈനലില് ഇറ്റലി- പോര്ച്ചുഗല് പോരാട്ടം വന്നാല് സൂപ്പര് താരം ക്രിസ്റ്റ്യാനോ റൊണാള്ഡോയോ പരുക്കന് അടവുകളിലൂടെ നേരിടുമെന്ന് യുവന്റസിലെ മുന് സഹതാരം ലിയനാര്ഡോ ബൊനൂച്ചി. ഇറ്റാലിയന് പ്രതിരോധ നിരയിലെ കരുത്തനാണ് ബൊനൂച്ചി.
ക്രിസ്റ്റിയാനോ റൊണാള്ഡോയുമായി സംസാരിച്ചിരുന്നു. പോര്ച്ചുഗലും ഇറ്റലിയും തമ്മിലെ പ്ലേ ഓഫ് ഫൈനലിനെ പറ്റി തമാശരൂപേണ ചര്ച്ച ചെയ്തു. നമുക്ക് കളത്തില് കാണാം. ഇറ്റലിയോട് കളിച്ചാല് കുറച്ചു പ്രഹരങ്ങള് വാങ്ങേണ്ടിവരുമെന്ന് ക്രിസ്റ്റ്യാനോയ്ക്ക് അറിയാം- ബൊനൂച്ചി പറഞ്ഞു.
കളത്തിലെ പ്രകടനത്തിലാണ് ശ്രദ്ധ കേന്ദ്രീകരിക്കേണ്ടത്. നമുക്ക് മാര്ച്ചില് വീണ്ടും കാണാം. രണ്ട് മഹത്തായ മത്സരങ്ങള് കളിക്കാമെന്ന് വിശ്വാസമുള്ളതായും ബൊനൂച്ചി കൂട്ടിച്ചേര്ത്തു.