രാജസ്ഥാന് റോയല്സിനെതിരായ മത്സരത്തിന് മുമ്പ് നടത്തിയ സോഷ്യല് മീഡിയ പോസ്റ്റിലൂടെ വിവാദത്തിലായി പഞ്ചാബ് കിംഗ്സ് താരം ദീപക് ഹൂഡ. ടീം ഘടന സംബന്ധിച്ച് സൂചന നല്കുന്ന ചിത്രം ട്വീറ്റ് ചെയ്തതാണ് ഹൂഡയെ കുഴപ്പത്തിലാക്കിയത്. ഹൂഡയുടെ നടപടി ഒത്തുകളിയുടെ ഭാഗമാണോയെന്ന സംശയം ഉയര്ന്നിട്ടുണ്ട്. ഹൂഡ ബിസിസിഐയുടെ അഴിമതി വിരുദ്ധ മാര്ഗനിര്ദേശം ലംഘിച്ചോയെന്നതില് അന്വേഷണം നടത്തുമെന്നാണ് അറിയുന്നത്.
റോയല്സിനെതിരായ മത്സരത്തിന് മണിക്കൂറുകള്ക്ക് മുമ്പാണ് , നമ്മള് തുടങ്ങുന്നു..പഞ്ചാബ് കിംഗ്സ്സ് ഐപിഎല്… എല്ലായ്പ്പോഴും പഞ്ചാബ് എന്ന ക്യാപ്ഷനോടെ ടീമിന്റെ ഹെല്മറ്റ് ധരിച്ച ചിത്രം ഹൂഡ ട്വീറ്റ് ചെയ്തത്. ടീം ഘടനയെപ്പറ്റി സൂചന നല്കുന്നതാണ് ഹൂഡയുടെ ട്വീറ്റെന്നാണ് വിമര്ശനം.
ബിസിസിഐ മാര്ഗനിര്ദേശ പ്രകാരം ടീമും പിച്ചും അടക്കം മത്സരം സംബന്ധിച്ച ഒരു വിവരങ്ങളും നേരത്തെ പുറത്തുവിടാന് പാടില്ല. ഇപ്പോഴത്തെ സാഹചര്യത്തില് ഹൂഡ അഴിമതി വിരുദ്ധ മാര്ഗനിര്ദേശം ലംഘിച്ചിട്ടുണ്ടോയെന്ന് ആന്റി കറപ്ഷന് യൂണിറ്റ് പരിശോധിക്കും. കുറ്റക്കാരനാണെന്നു തെളിഞ്ഞാല് ഹൂഡയ്ക്കെതിരെ കര്ശന നടപടിയുണ്ടാവും.