അനൂപ് കൈതമറ്റത്തില്
നിങ്ങളേത് ടീമിന്റെയും ഫാന് ആയിക്കോട്ടെ പക്ഷേ , ഈയൊരു നില്പ്പ് തെല്ല് സങ്കടത്തോടെ അല്ലാതെ ഒരു ക്രിക്കറ്റ് ഫാനിനു പോലും കാണാന് ആവില്ല. റിങ്കു സിംഗ് ഇന്നലെ രാത്രി ഉറങ്ങിയിട്ടുണ്ടാവില്ല ഉറപ്പ്..
കളി കൈവിട്ടെന്ന് എല്ലാവരും കരുതിയിടത്തുനിന്ന് ഒരു സ്വപ്നതുല്യമായ ഇന്നിംഗ്സിലൂടെ ടീമിനെ വിജയത്തിന് തൊട്ടരികിലെത്തിച്ചു ഇടറിവീണുപോയ പോരാളിയാണ് അവന് . ഇതുപോലൊരു ഇന്നിംഗ്സ് ഇനി അവനു കളിയ്ക്കാന് ആകുമോ എന്നുപോലും പറയാന് ആവില്ല.
ഈസി ക്യാച്ചുകള് പോലും കൈയില് നിന്ന് വഴുതിപ്പോകുന്ന കാഴ്ചകള് കണ്ട ഈ സീസണില് catch of the tournament തന്നെ ആയേക്കാവുന്ന എവിന് ലൂയിസിന്റെ ക്യാച്ചില് അവന്റെ 15 ബോള് ഇന്നിംഗ്സ് അവസാനിച്ചു . ഭാഗ്യം നിന്റെ കൂടേ ആയിരിക്കില്ല.
പക്ഷേ പൊരുതിനോക്കാന് നീ കാണിച്ച ചങ്കൂറ്റം ,അതൊരു മറക്കാത്ത ഓര്മയായി നിന്റെ ഇനിയുള്ള കരിയറില് കരുത്താകും. ഉറപ്പ്.
കടപ്പാട്: മലയാളി ക്രിക്കറ്റ് സോണ്