ട്വന്റി20 ലോക കപ്പ് സൂപ്പര്‍ 12ലെ ഗ്രൂപ്പ് വണ്‍ മത്സരത്തില്‍ ബംഗ്ലാദേശിനെതിരെ ശ്രീലങ്കയ്ക്ക് ടോസ്. ലങ്ക ബംഗ്ലാദേശിനെ ബാറ്റിംഗിന് ക്ഷണിച്ചു. ഗ്രൂപ്പ് മത്സരങ്ങള്‍ കളിച്ചാണ് രണ്ടു ടീമുകളും സൂപ്പര്‍ 12 യോഗ്യത നേടിയെടുത്തത്.
ശ്രീലങ്കയും ബംഗ്ലാദേശും ബോളിംഗ് നിരയില്‍ മാറ്റംവരുത്തിയിട്ടുണ്ട്. പൂര്‍ണ കായിക ക്ഷമതയില്ലാത്ത സ്പിന്നര്‍ മഹീഷ് തീക്ഷണയ്ക്കു പകരം പേസര്‍ ബിനുര ഫെര്‍ണാണ്ടോയെ ലങ്കന്‍ ടീമില്‍ ഉള്‍പ്പെടുത്തി. ബംഗ്ലാദേശ് പേസര്‍ ടസ്‌കിന്‍ അഹമ്മദിന് പകരം ഇടംകൈയന്‍ സ്പിന്നര്‍ നാസും മുഹമ്മദിന് അവസരം നല്‍കി.
ഗ്രൂപ്പ് ഘട്ടത്തിലെ മൂന്ന് മത്സരങ്ങളും ജയിച്ചാണ് ലങ്കയുടെ വരവ്. ബംഗ്ലാദേശ് രണ്ടു കളികളില്‍ ജയം കണ്ടു. എങ്കിലും സ്‌കോട്ട്‌ലന്‍ഡിനോടേറ്റ അപ്രതീക്ഷിത തോല്‍വി ബംഗ്ലാ കടുവകളെ നിരാശപ്പെടുത്തിയിരുന്നു.