പ്രവാസികളെ മടക്കി കൊണ്ടു വരുന്നതിനുള്ള വന്ദേഭാരത് മിഷന്റെ മൂന്നാംഘട്ടത്തില് ബഹ്റിനില് നിന്ന് കേരളത്തിലേക്ക് അഞ്ചു സര്വീസുകള്. മെയ് 26, 30, ജൂണ് രണ്ടു തിയതികളില് കോഴിക്കോട്ടേക്കും മെയ് 28, ജൂണ് ഒന്ന് തിയതികളില് കൊച്ചിയിലേക്കുമാണ് സര്വീസുകള്.
കോഴിക്കോട്ടേക്കുള്ള വിമാനം വൈകിട്ട് 4.10നും കൊച്ചിയിലേക്കുള്ളത് ഉച്ചക്ക് 2.10നും പുറപ്പെടും. 26നു കോഴിക്കോട്ടേക്കുള്ള വിമാനത്തിന്റെ ടിക്കറ്റ് വിതരണം തുടങ്ങി. ശനിയാഴ്ച 170 ടിക്കറ്റുകള് നല്കി. ഈമാസം 26 മുതല് ജൂണ് നാല് വരെയാണ് വന്ദേഭാരത് മിഷന്റെ മൂന്നാംഘട്ടം.
മൂന്നാംഘട്ടത്തില് ഗള്ഫില് നിന്ന് കേരളത്തിലേക്ക് 85 വിമാനങ്ങള് എത്തും. ഏറ്റവും കൂടുതല് വിമാനങ്ങള് എത്തുന്നത് യു.എ.ഇയില് നിന്നാണ്. ഒരാഴ്ചക്കിടെ 56 വിമാനങ്ങളാണ് ദുബായില് നിന്നും അബുദാബിയില് നിന്നും കേരളത്തിലേക്ക് എത്തുക.