എമിറേറ്റ്സ് എയര്ലൈന്സ് ഏഴ് നഗരങ്ങളിലേക്കു കൂടി സര്വീസ് ആരംഭിക്കുന്നു. ഇതോടെ എമിറേറ്റ്സ് സര്വീസ് പുനരാരംഭിച്ച നഗരങ്ങളുടെ എണ്ണം 48 ആകും. സുഡാന് തലസ്ഥാനമായ ഖാര്തൂം, ജോര്ദാന് തലസ്ഥാനമായ അമ്മാന്, ജപ്പാനിലെ ഒസാക, നരീറ്റ, ഗ്രീസ് തലസ്ഥാനമായ ആതന്സ്, സൈപ്രസിലെ ലാര്നക, റോം എന്നിവിടങ്ങളിലേക്കണ് പുതിയ സര്വീസുകള്. ജൂലൈ 3 മുതല് 8 വരെ തിയതികളിലാണ് സര്വീസുകള്.
കൊളംബോ, ഇസ്തംബുള്, ഓക് ലാന്ഡ്, ബെയ്റൂട്ട്, ബ്രസല്സ്, ഹാനോയ്, ഹോചുമിന് സിറ്റി, ബാഴ്സലോന, വാഷിങ്ടന് ഡിസി, ബഹ്റൈന്, മാഞ്ചസ്റ്റര്, സൂറിക്, വിയന്ന, ആംസ്റ്റര്ഡാം, കോപ്പന്ഹേഗന്, ഡബ്ലിന്, ന്യൂയോര്ക്ക് ജെഎഫ്കെ, സിയോള്, ക്വാലലംപുര്, സിംഗപ്പൂര്, ജക്കാര്ത്ത, തായ്പേയ്, ഹോങ്കോങ്, പെര്ത്ത്, ബ്രിസ്ബേന്, ലണ്ടന് ഹീത്രോ, ഫ്രാങ്ക്ഫര്ട്ട്, പാരിസ്, മിലാന്, മഡ്രിഡ് തുടങ്ങിയ നഗരങ്ങളിലേക്കുള്ള സര്വീസ് എമിറേറ്റ്സ് നേരത്തെ പുനരാരംഭിച്ചിരുന്നു.
കോവിഡ് മുന്കരുതല് നടപടികള് പാലിച്ചുകൊണ്ടായിരിക്കും എമിറേറ്റ്സ് സേവനം. കോവിഡ് സുരക്ഷാ നടപടികള് പൂര്ത്തിയാക്കാനുള്ളതിനാല് യാത്രക്കാര് 4 മണിക്കൂര് മുന്പ് വിമാനത്താവളത്തില് എത്തണം.