ശ്രീനാരായണ ഗുരു ജയന്തി ദിനത്തിൽ ഗുരുവിന്റെ ചെറിയ ചിത്രം പാർട്ടി മുഖപത്രമായ ജനയുഗത്തിൽ ചെറുതായി നൽകിയത് ഗുരുനിന്ദയെന്ന് സി.പി.ഐ ഇടുക്കി ജില്ലാ സെക്രട്ടറി കെകെ ശിവരാമൻ.
മറ്റ് പത്രങ്ങൾ ഇതുമായി ബന്ധപ്പെട്ട് അവരുടെ കാഴ്ചപ്പാട് ഉൾപ്പെടെ പ്രസിദ്ധീകരിച്ചു. എന്നാൽ ശ്രീനാരായണഗുരു ജയന്തിയുടെ പ്രാധാന്യം കണക്കിലെടുത്തൊരു സമീപനം ജനയുഗത്തിന്റെ ഭാഗത്ത് നിന്നും ഉണ്ടായില്ല.
ഗുരുവിനെ കുറിച്ച് അറിയാത്ത മാനേജ്മെന്റും എഡിറ്റോറിയൽ ബോർഡും ജനയുഗത്തിന് ഭൂഷണമല്ല എന്നും അദ്ദേഹം ഫെയ്സ്ബുക്കിൽ കുറിച്ചു.
എന്നാൽ കെ.കെ. ശിവരാമന്റെ വിമർശനത്തെ സ്വാഗതം ചെയ്യുന്നെന്നും രാഷ്ട്രായമായി ഇതിനെ കാണാൻ കഴിയില്ലെന്നും ജനയുഗം എഡിറ്റർ രാജാജി മാത്യു തോമസ് പറഞ്ഞു.
ഗുരു ജയന്തി ദിവസമായ ഇന്ന് പത്രം സാധാരണഗതിയിൽ പ്രസിദ്ധീകരിക്കുന്ന കാര്യം നൽകി. കഴിഞ്ഞ അഞ്ച് വർഷത്തിനിടയിൽ ഗുരുവിനെ കുറിച്ച് ആഴത്തിലുള്ള എഴുത്തുകൾ പ്രസിദ്ധീകരിച്ചെന്നും രാജാജി മാത്യു തോമസ് പറഞ്ഞു.