മുസ്ലീം ലീഗ് നേതൃത്വത്തിനെതിരെ അതിരൂക്ഷമായ വിമർശനം ഉന്നയിച്ച വാർത്താസമ്മേളനത്തിനിടെ ഹൈദരലി ശിഹാബ് തങ്ങളുടെ മകന് മുഈൻ അലിക്കെതിരെ അസഭ്യം പറഞ്ഞ റാഫി പുതിയകടവിനെ ലീഗിൽ നിന്നും സസ്പെന്റ് ചെയ്തു.
കോഴിക്കോട് ചേര്ന്ന മുസ്ലിംലീഗ് ഉന്നതാധികാര യോഗത്തിന് പിന്നാലെയായിരുന്നു പ്രഖ്യാപനം.കുഞ്ഞാലിക്കുട്ടിയടക്കമുള്ളവർക്കെതിരെ മുഈൻ അലി നടത്തിയ വിമർശനങ്ങളാണ് റാഫി പുതിയകടവിനെ പ്രകോപിപ്പിച്ചത്.
അതേസമയം, നേതൃത്വത്തിനെതിരെ സംസാരിച്ച മുഈന് അലിക്കെതിരെ നടപടി വേണ്ടെന്നാണ് നിലവിലെ തീരുമാനം. താങ്ങള് വാര്ത്ത സമ്മേളനത്തില് നടത്തിയ പരാമര്ശങ്ങള് തെറ്റായിരുന്നെന്നും യോഗം വിലയിരുത്തി.
മുഈൻ അലിയുടെ ആരോപണത്തെ കുറിച്ച് അന്വേഷിക്കാനും തീരുമാനമായി. കോഴിക്കോട്ട് ചന്ദ്രികയിലെ കാര്യം വിശദീകരിക്കാൻ ചേർന്ന വാർത്താ സമ്മേളനത്തിലാണ് മുഈനലി നേതൃത്വത്തിന് എതിരെ കടുത്ത വിമർശനം ഉയർത്തിയത്.
ഫണ്ട് കൈകാര്യം ചെയ്തത് കുഞ്ഞാലിക്കുട്ടി ആയിരുന്നിട്ടും ചന്ദ്രികയുടെ പ്രതിസന്ധിയിൽ പിതാവ് ഹൈദരലി ശിഹാബ് തങ്ങൾ ഇടപെട്ടില്ലെന്നും മുഈനലി പറഞ്ഞിരുന്നു.