വില്ലൻ വേഷങ്ങളിലൂടെ മലയാളികൾക്ക് പ്രിയങ്കരനായി മാറിയ നടനാണ് എൻഎഫ് വർഗീസ്. ഇപ്പോഴിതാ ആകാശദൂതിലെ വില്ലനാകാൻ വേണ്ടി അദ്ദേഹം ഏറ്റെടുത്ത ത്യാഗത്തെ കുറിച്ച് തിരക്കഥകൃത്തായ ഡെന്നിസ് ജോസഫ് പറഞ്ഞ കാര്യങ്ങളാണ് വീണ്ടും വെെറലായി മാറുന്നത്. സഫാരി ടിവിയിലെ ചരിത്രം എന്നിലൂടെ എന്ന പരിപാടിയിൽ സംസാരിക്കുന്നതിനിടെയാണ് ഇക്കാര്യത്തെ കുറിച്ച് അദ്ദേഹം സംസാരിച്ചത്.
ആകാശദൂത് സിനിമയിൽ വില്ലൻ വേഷം ചെയ്ത സലിം ഗൗസിനെ ആയിരുന്നു. ഡേറ്റിന്റെ പ്രശ്‌നം മൂലം സലിമിന് ആ വേഷം ചെയ്യാൻ പറ്റാതെ വന്നപ്പോഴാണ് എൻ. എഫ് വർഗീസിന് നറുക്ക് വീഴുന്നത്. അത് വരെ സിനിമയിൽ കാര്യമായി ഒന്നും ചെയ്യാനില്ലാതെ ചെറിയ വേഷങ്ങൾ മാത്രം ചെയ്ത് കൊണ്ടിരുന്നു എൻ. എഫ് വർഗീസിന് ആദ്യമായി കിട്ടുന്ന പ്രധാന വേഷമായിരുന്നു കേശവൻ എന്ന ഫാം ഉടമ’.
പനമ്പള്ളി നഗറിലുള്ള തൻ്റെ വീട്ടിൽ എത്തി സിനിമയുടെ കഥ കേട്ടു. കഥ കുറച്ചു കേട്ടു കഴിഞ്ഞപ്പോളാണ് ഹെവി വാഹനം അടക്കം പല വാഹനങ്ങളും ഓടിക്കേണ്ട സീനുകൾ സിനിമയിൽ ഉണ്ടെന്നറിയുന്നത്. അദ്ദേഹത്തിനാണെങ്കിൽ ഡ്രൈവിംഗ് അറിയില്ല. ഷൂട്ടിംഗ് തുടങ്ങാൻ ഇനി പത്ത് പന്ത്രണ്ട് ദിവസമേ ബാക്കിയുള്ളൂ’എൻ. എഫ് വർഗീസ് ആകെ അസ്വസ്ഥനായി.
താനത് മാനേജ് ചെയ്തോളാം, വേറെ ആരും ഇതറിയരുതെന്ന് പറഞ്ഞ് എൻ. എഫ് വർഗീസ് നേരെ ഒരു ഡ്രൈവിംഗ് സ്‌കൂളിൽ ചെന്ന് 24 മണിക്കൂറും വണ്ടി ഓടിച്ചു പഠിച്ചു. ഷൂട്ടിംഗിന് കുറച്ചു ദിവസം ബാക്കി നിൽക്കെ ആ ഡ്രൈവിxid സ്‌കൂളിലെ വണ്ടി ഓടിച്ചു എൻ. എഫ് വർഗീസ് നേരെ തന്റെ വീട്ടിലേക്ക് വന്നു. എന്നിട്ട് വണ്ടി ഓടിച്ചു കാണിച്ച് തന്നു. താനന്ന് ശരിക്കും ഞെട്ടി പോയെന്നാണ്’ ഡെന്നിസ് ജോസഫ് പറഞ്ഞത്.
