ടെലിവിഷനില്‍ ഏറെ ആരാധകരുള്ള താരദമ്പതികളാണ് ആലീസും സജിനും. തങ്ങളുടെ പ്രണയത്തെ കുറിച്ചും വിവാഹത്തെ കുറിച്ചും ഇരുവരും യൂട്യൂബ് ചാനലിലൂടെ വ്യക്തമാക്കിയിട്ടുണ്ട്. ബ്രേക്കപ്പ് വരെ എത്തിയ തങ്ങളുടെ പ്രണയ കഥയെ കുറിച്ച് ആലീസും സജിനും ഒരു അഭിമുഖത്തിലൂടെ വെളിപ്പെടുത്തിയിരിക്കുകയാണ്.
പ്രണയിക്കുന്ന സമയത്ത്, ഫോണിലൊക്കെ വിളിക്കുമ്പോള്‍ എന്നും വഴക്കായിരുന്നു. പലപ്പോഴും അഭിപ്രായ വ്യത്യാസം ഉണ്ടാവും. പക്ഷെ അപ്പോഴൊക്കെ ‘കല്യാണത്തിന് ശേഷമേ നിനക്ക് എന്നെ മനസ്സിലാവൂ’ എന്ന് ഇച്ചായന്‍ പറയുമായിരുന്നു. അത് സത്യമാണ്, കല്യാണത്തിന് ശേഷം വഴക്ക് ഒരുപാട് കുറഞ്ഞു.
ആദ്യമായി ആലീസിനോട് സംസാരിക്കുന്നത് ഒരു സെലിബ്രിറ്റി എന്ന നിലയില്‍ തന്നെയാണെന്ന് സജിന്‍ പറയുന്നു. പിന്നീട് ഒരു റിലേഷന്‍ ആരംഭിച്ച ശേഷവും താന്‍ നൂറ് ശതമാനം കമ്മിറ്റ്മെന്റ്സ് കാണിച്ചില്ല. കാരണം ഈ ബന്ധം വിവാഹം വരെ പോകും എന്ന് താന്‍ ഒരിക്കലും വിശ്വസിച്ചിരുന്നില്ല.
പന്ത്രണ്ട് ദിവസം തല്ലു കൂടി മിണ്ടാതിരുന്നിട്ടുണ്ട്. ആ സമയത്തും ആലീസിനെ സമാധാനപ്പെടുത്താനോ കാണാനോ താന്‍ മുന്‍ കൈ എടുത്തിരുന്നില്ല. അതിന് ശേഷം ആലീസ് വീട്ടില്‍ വന്ന ശേഷമാണ് ഓകെ, ഈ ബന്ധം സീരിയസ് ആണ് എന്ന തോന്നല്‍ തനിക്ക് ഉണ്ടായത് എന്ന് സജിന്‍ പറയുന്നു.
അന്ന് താന്‍ വീട്ടില്‍ ചെന്നില്ലായിരുന്നു എങ്കില്‍ ഞങ്ങളുടെ ബന്ധം അന്ന് ബ്രേക്കപ്പ് ആകുമായിരുന്നു എന്നാണ് ആലീസ് പറയുന്നത്. സത്യത്തില്‍ അന്ന് താന്‍ വീട്ടില്‍ പോയത്, ഈ ബന്ധം ഇനി വേണ്ട നമുക്ക് ബ്രേക്കപ്പ് ആകാം എന്ന് പറയാന്‍ വേണ്ടിയായിരുന്നു.
വഴക്കിന് ശേഷം താനിനി വരില്ല എന്നാണ് ഇച്ചായന്‍ കരുതിയത്. എങ്കില്‍ അത് കാണിച്ച് കൊടുക്കാം എന്ന് കരുതിയാണ് പുറപ്പെട്ടത്. അത്രയും ദൂരം യാത്ര ചെയ്ത്, വീട് തേടിപ്പിടിച്ച് ആലീസ് വരും എന്ന് താന്‍ കരുതിയില്ല എന്നും, ആ ദിവസത്തിന് ശേഷമാണ് ശരിയ്ക്ക് വിവാഹത്തിന്റെ കാര്യങ്ങളിലേക്ക് പോയതെന്നും സജിന്‍ പറഞ്ഞു.