തമിഴകത്തിന്റെ പ്രിയതാരം വിജയ് സേതുപതി ട്രാന്സ്ജെണ്ടേഴ്സിനെ ചേര്ത്തുപിടിച്ച് നില്ക്കുന്ന ചിത്രം ഇപ്പോള് സോഷ്യല് മീഡിയയില് വൈറലായിക്കൊണ്ടിരിക്കുകയാണ്. ട്രാന്സ്ജെണ്ടേഴ്സിനെ ചേര്ത്തുപിടിച്ച് അവര് ഗൈവത്തിന്റെ പ്രതിരൂപമാണെന്നാണ് വിജയ് ഉറക്കെ പറയുന്നത്.
കഴിഞ്ഞ ദിവസമാണ് ട്രാന്സ്ജെണ്ടേഴ്സ് നടത്തിയ പരിപാടിയില് വിജയ് സേതുപതി പങ്കെടുത്തത്. ഇവരില്നിന്ന് തനിക്ക് ഒരുപാട് കാര്യങ്ങള് പഠിക്കാനുണ്ടെന്നും മനുഷ്യനെ മതമോ ജാതിയോ നോക്കാതെ സ്നേഹിക്കേണ്ടത് എങ്ങനെയാണെന്ന് ട്രാന്സ്ജെണ്ടേഴ്സില്നിന്ന് പഠിക്കാനുണ്ടെന്നും വിജയ് കൂട്ടിച്ചേര്ത്തു.
ട്രാന്സ്ജെണ്ടറുടെ വേഷത്തിലാണ് വിജയ് അടുത്ത ചിത്രത്തില് അഭിനയിക്കുന്നത്. ഈ സിനിമയ്ക്കായി വിജയ് നടത്തിയ മേക്ക്ഓവര് ഇപ്പോഴെ ചര്ച്ചാ വിഷയമാണ്. സൂപ്പര് ഡീലക്സ് എന്നാണ് ചിത്രത്തിന്റെ പേര്. ത്യാഗരാജന് കുമാരരാജയാണ് സംവിധാനം.
ട്രാന്സ്ജെണ്ടറായി അഭിനയിച്ചശേഷം എനിക്ക് അവരോടുള്ള സ്നേഹം കൂടിയെന്നും ട്രാന്സ്ജെണ്ടേഴ്സിന്റെ ഉയര്ച്ചയ്ക്കായി പോരാടേണ്ടത് അവര് തന്നെയാണെന്നും വിജയ് പറയുന്നു.