ഗ്രാമി പുരസ്കാര വേദിയില് നഗ്നത പ്രദര്ശിപ്പിച്ച് വിവാദം സൃഷ്ടിച്ച് ഓസ്ട്രേലിയന് മോഡല് ബിയാങ്ക സെന്സൊറി. പ്രശസ്ത അമേരിക്കന് റാപ്പ് ഗായകന് കാന്യേ വെസ്റ്റിന്റെ ഭാര്യകൂടിയാണ് ബിയാങ്ക. പൊതുവേദിയില് നഗ്നത പ്രദര്ശിപ്പിച്ചതിന് ബിയാങ്കയെ സംഗീത നിശയില് നിന്ന് പുറത്താക്കി എന്നാണ് റിപ്പോര്ട്ടുകള്.
ബിയാങ്കയെയും കാന്യേ വെസ്റ്റിനെയും ഗ്രാമി പുരസ്കാരത്തിന് ക്ഷണിച്ചിരുന്നില്ല എന്നും റിപ്പോര്ട്ടുകളുണ്ട്. കറുത്ത മേല്വസ്ത്രം ധരിച്ചെത്തിയ ബിയാങ്ക വേദിയില് അത് നീക്കം ചെയ്യുകയായിരുന്നു. സുതാര്യമായ വസ്ത്രം ധരിച്ചിരുന്നുവെങ്കിലും ശരീരഭാഗങ്ങള് മുഴുവനും പുറത്തു കാണുന്ന നിലയിലായിരുന്നു.
ഇത് കടുത്ത പ്രതിഷേധത്തിന് കാരണമായി. കാലിഫോര്ണിയയിലെ ലോസ് ആഞ്ജലീസ് ആണ് ഗ്രാമിയുടെ വേദി. കാലിഫോര്ണിയയിലെ നിയമം അനുസരിച്ച് പൊതുസ്ഥലത്ത് നഗ്നത പ്രദര്ശിപ്പിക്കുന്നതിന് 1000 ഡോളര് പിഴയും ആറ് മാസം തടവും ലഭിച്ചേക്കാം. അതുകൊണ്ടു തന്നെ ബിയാങ്ക അറസ്റ്റ് ചെയ്യപ്പെടാനും സാധ്യതകളുണ്ട്.
അതേസമയം, ലോസ് ഏഞ്ചല്സിലാണ് ഗ്രാമി പ്രഖ്യാപന ചടങ്ങുകള് നടക്കുന്നത്. കാട്ടുതീയില് ദുരിതം അനുഭവിക്കുന്ന ജനതയെ സ്മരിച്ചു കൊണ്ടാണ് ഗ്രാമി പ്രഖ്യാപന ചടങ്ങുകള് ആരംഭിച്ചത്. ഹാസ്യതാരവും എഴുത്തുകാരനും നടനും അവതാരകനുമായ ട്രെവര് നോവ ആണ് പ്രഖ്യാപനം നടത്തുന്നത്. 94 വിഭാഗങ്ങളിലേക്കാണ് മത്സരം നടന്നത്.