രണ്ട് മാസങ്ങള്ക്ക് മുമ്പാണ് റാപ്പ് ഗായകന് യോ യോ ഹണി സിംഗിനെതിരെ ഭാര്യ ശാലിനി തല്വാര് രംഗത്തെത്തിയത്. ഹണി സിംഗ് തന്നെ ശാരീരികമായും മാനസികമായും പീഡിപ്പിച്ചുവെന്നും ഗായകന് പരസ്ത്രീ ബന്ധമുണ്ടെന്നും ആരോപിച്ചാണ് ശാലിനി എത്തിയത്. 11 വര്ഷം നീണ്ട ദാമ്പത്യ ബന്ധവും അവസാനിപ്പിച്ചിരുന്നു.
ആദ്യ ഭാര്യ പോയതോടെ തന്റെ പുതിയ കാമുകിയെ പരിചയപ്പെടുത്തിയിരിക്കുകയാണ് ഹണി സിംഗ്. ഡല്ഹിയിലെ ഒരു പരിപാടിക്കിടെയാണ് കാമുകി ടിന തഡാനിയെ ഹണി എല്ലാവര്ക്കും പരിചയപ്പെടുത്തിയത്. ”എന്റെ ഗേള്ഫ്രണ്ട് ആണ് എന്റെ കൂടെ ഇരിക്കുന്നത്. ‘ഹണി 3.0’ എന്ന ആല്ബം യാഥാര്ഥ്യമാകാന് കാരണം ടിനയാണ്.”
”എന്റെ പുതിയ ആല്ബത്തില് റൊമാന്സും ഡാന്സുമാണുള്ളത്. ഈ ആര്ബം എന്റെ ജീവിതത്തിലെ ഈ വ്യക്തിയ്ക്ക് വേണ്ടി സമര്പ്പിച്ചിട്ടുള്ളതാണ്. അവള് എന്റെ ഭൂതകാലവും അംഗീകരിച്ചാണ് ജീവിതത്തിലേക്ക് വന്നത്” എന്നാണ് ഗായകന് പറയുന്നത്. ഇതോടെ ഹണി സിംഗിനെതിരെ ട്രോളുകള് ഉയരുകയായിരുന്നു.
ഹണിയും ശാലിനിയും തമ്മിലുള്ള ഡിവോഴ്സിനെ കുറിച്ച് പറഞ്ഞാണ് ട്രോളുകള് ഏറെയും. ”വിവാഹമോചനം പെട്ടെന്ന് നടത്താന് കാരണമിതാണ്, ഇവരെ പരിചയപ്പെടുത്തണമായിരുന്നല്ലോ”, ”ഹണി ഓരോ മാസവും ഗേള്ഫ്രണ്ട്സിനെ മാറ്റാറുണ്ട്”, ”ഇനി ഇവളെയും ഉപദ്രവിച്ച് ഓടിക്കും” എന്നിങ്ങനെയാണ് സോഷ്യല് മീഡിയയില് ഉയരുന്ന ചില കമന്റുകള്.
സെപ്റ്റംബറിലാണ് ഹണിയും ശാലിനി തല്വാറും വിവാഹമോചിതരായത്. ഒരു കോടി രൂപ നഷ്ടപരിഹാരം ശാലിനിക്ക് ഹണി നല്കിയിരുന്നു. ഗാര്ഹിക പീഡിനത്തിന് ആയിരുന്നു ശാലിനി പരാതി നല്കിയിരുന്നത്. എന്നാല് ഇത് നിഷേധിച്ച് ഹണി രംഗത്തെത്തിയിരുന്നു.