മഹാകുംഭമേളയില് പങ്കെടുത്ത് ത്രിവേണി സംഗമത്തില് പുണ്യസ്നാനം ചെയ്ത് അമൃത സുരേഷ്. സ്നാനം ചെയ്ത് പ്രാര്ഥനയോടെ കൈകൂപ്പി നില്ക്കുന്ന ചിത്രമാണ് അമൃത ഇന്സ്റ്റഗ്രാമില് പങ്കുവച്ചിരിക്കുന്നത്. ‘മഹാകുംഭമേളയില് നിന്നും മഹാശിവരാത്രി ആശംസകള്.. ഹര് ഹര് മഹാദേവ്’ എന്ന ക്യാപഷനോടെയാണ് ചിത്രം പങ്കുവച്ചത്.
144 വര്ഷം കൂടുമ്പോള് നടത്തപ്പെടുന്ന മഹാകുംഭമേള ഫെബ്രുവരി 26ന് മഹാശിവരാത്രിയോടെ സമാപിക്കും. അവസാന ദിനത്തിലാണ് അമൃത കുംഭമേളയില് പങ്കെടുത്തത്. ഒറ്റയ്ക്കായിരുന്നോ അമൃതയുടെ യാത്ര എന്ന കാര്യത്തില് വ്യക്തതയില്ല. ജനുവരി 13ന് ആണ് മഹാകുംഭമേള ആരംഭിച്ചത്.
ഗംഗ, യമുന, സരസ്വതി നദികള് സംഗമിക്കുന്ന ത്രിവേണി സംഗമത്തില് ഇതിനകം 62 കോടിയിലേറെ ആളുകള് പുണ്യസ്നാനം നടത്തിയെന്നാണു കണക്ക്. കേരളത്തില് നിന്നും പ്രമുഖര് ഉള്പ്പെടെ നിരവധി പേര് മഹാകുംഭമേളയില് പങ്കെടുത്തു. ജയസൂര്യ, സംയുക്ത, സുപ്രിയ മേനോന് എന്നിവര് കുംഭമേളയില് പങ്കെടുത്തിരുന്നു.
ബോളിവുഡ് താരങ്ങളായ അനുപം ഖേര്, സൊനാലി ബേന്ദ്ര, മിലിന്ദ് സോമന്, റെമോ ഡിസൂസ, തമന്ന, പൂനം പാണ്ഡെ, ഹേമ മാലിനി, തനിഷ മുഖര്ജി, നിമ്രത് കൗര്, അക്ഷയ് കുമാര് എന്നിവരും കുംഭമേളയില് പങ്കെടുത്ത് പുണ്യസ്നാനം ചെയ്തിരുന്നു. കത്രീന കൈഫും കഴിഞ്ഞ ദിവസം കുംഭമേളയ്ക്ക് എത്തിയിരുന്നു.