വാട്സാപ്പ് വഴി സിനിമ ടിക്കറ്റ് ബുക്ക് ചെയ്യാനാകുമോ? കഴിഞ്ഞ ദിവസം മുതല് വിവിധ സോഷ്യല് മീഡിയ പ്ലാറ്റ്ഫോമുകളിലായി മൂവി ഗ്രൂപ്പുകളില് സജീവ ചര്ച്ചയാകുകയാണ് വാട്സാപ്പ് വഴി സിനിമ ടിക്കറ്റ് എന്ന ആശയം. സിനിമ ഗ്രൂപ്പുകളില് പ്രചരിക്കുന്ന ഒരു പോസ്റ്ററാണ് ഇതിന് അടിസ്ഥാനം.
ഇനി വാട്സാപ്പ് വഴി സിനിമക്ക് ടിക്കറ്റ് ബുക്ക് ചെയ്യാം എന്നതാണ് പോസ്റ്ററിന്റെ ഉള്ളടക്കം. വിഷയം ചര്ച്ചയായതിന് പിന്നാലെ ഇത്തരമൊരു സാധ്യതയെ അനുകൂലിച്ച് നിരവധി പേരാണ് രംഗത്തെത്തുന്നത്. ഇനി വാട്സാപ്പ് വഴി സിനിമക്ക് ടിക്കറ്റ് ബുക്ക് ചെയ്യാം. ടിക്സ്പീക്ക് അത് യാഥാര്ത്ഥ്യം ആക്കി എന്നാണ്. മലയാളം അഭിമാനപൂര്വ്വം ലോകസിനിമക്ക് മുന്നില് അവതരിപ്പിക്കുന്നു എന്ന തലക്കെട്ടും ഉണ്ട്.
ആശയത്തിന്റെ ആധികാരികത വ്യക്തമല്ലെങ്കിലും ഈ പോസ്റ്ററിന്റെ ചുവട് പിടിച്ച് ചര്ച്ച സോഷ്യല് മീഡിയയില് പുരോഗമിക്കുകയാണ്. പലരും വാട്സാപ്പ് വഴി എങ്ങനെയാണ് ടിക്കറ്റ് എടുക്കുമെന്ന സംശയം പ്രകടിപ്പിക്കുമ്പോള് കണ്വീന്യന്സ് ഫീ ഇന്റര്നെറ്റ് ഹാന്ഡ്ലിംങ്ങ് ഫീ പോലെ അധിക ചാര്ജകളൊന്നുമില്ലാതെ ടിക്കറ്റ് കിട്ടിയാല് അടിപൊളി ആകും എന്നാണ് ഒരാളുടെ അഭിപ്രായം.
അടുത്തുള്ള തീയേറ്ററില് ഈ സൗകര്യം വന്നിരുന്നെങ്കില് മറ്റൊരാള് ആഗ്രഹം പ്രകടിപ്പിക്കുന്നു. ചര്ച്ചകളും തോന്നലുകളും ഇങ്ങനെ പുരോഗമിക്കുയാണ്. ഏതായാലും വരും ദിവസങ്ങളില് അറിയാം വാട്സാപ്പ് വഴി മലയാളികള് സിനിമക്ക് ടിക്കറ്റെടുക്കുമോ എന്ന്.