സിനിമാപ്രേമികളുടെ ഏറെ നാളത്തെ കാത്തിരിപ്പായിരുന്നു കാതൽ എന്ന ചിത്രത്തിന്റെ റിലീസ് . ജിയോ ബേബിയുടെ സംവിധാനത്തിൽ മമ്മൂട്ടി നായകനായെത്തുന്ന ചിത്രം ഇപ്പോൾ റിലീസ് തീയതി പ്രഖ്യാപിച്ചിരിക്കുകയാണ്. നവംബർ 23ന് കാതൽ തീയേറ്ററുകളിൽ എത്തും. ചിത്രത്തിൽ തമിഴ് താരം ജ്യോതികയാണ് നായികയായി എത്തുന്നത്.
ജ്യോതികയും മമ്മൂട്ടിയും ആദ്യമായി ഒന്നിക്കുന്ന സിനിമയാണ് കാതല്. ഒരിടവേളയ്ക്ക് ശേഷം ജ്യോതിക മലയാളത്തില് അഭിനയിക്കുന്നു എന്ന പ്രത്യേകതയും ചിത്രത്തിനുണ്ട്. റോഷാക്ക്, നന്പകല് നേരത്ത് മയക്കം, എന്നീ ചിത്രങ്ങള്ക്ക് ശേഷം മമ്മൂട്ടി കമ്പനി നിര്മിക്കുന്ന ചിത്രം കൂടിയാണ് കാതല്. മാത്യു ദേവസി എന്ന കഥാപാത്രത്തെയാണ് മമ്മൂട്ടി കാതലിൽ അവതരിപ്പിക്കുന്നത്.
ഗോവ രാജ്യാന്തര ചലച്ചിത്രോത്സവത്തിലും കാതല് പ്രദര്ശിപ്പിക്കും. 20 മുതൽ 28 വരെയാണ് ചലച്ചിത്ര മേള നടക്കുന്നത്. മേളയില് നവംബര് 23ന് മുന്പ് ചിത്രം പ്രദര്ശിപ്പിക്കുമോ ആതോ തിയറ്റര് റിലീസിന് ശേഷമാകുമോ കാതല് മേളയില് എത്തുക എന്ന കാര്യത്തില് വ്യക്തത വന്നിട്ടില്ല. കൂടാതെ ഐഎഫ്എഫ്കെയിലും കാതല് പ്രദര്ശിപ്പിക്കുന്നുണ്ട്. മലയാളം സിനിമ ടുഡേ എന്ന വിഭാഗത്തിലാണ് പ്രദര്ശനം. ഡിസംബര് 8 മുതലാണ് ഐഎഫ്എഫ്കെ സംഘടിപ്പിച്ചിരിക്കുന്നത്.