പുത്തന് ഫോട്ടോ ഷൂട്ടിന്റെ രസകരമായ അനുഭവങ്ങള് പങ്കുവെച്ച് നടി എസ്തര്. പര്പ്പിള് പിങ്ക് നിറത്തിലുള്ള വലിയ ഗൗണ് അണിഞ്ഞ താരത്തിന്റെ പുതിയ ഫോട്ടോ ഷൂട്ട് ചിത്രങ്ങള് സോഷ്യല് മീഡിയയില് വൈറലാണ്. എന്നാല് തന്നേക്കാള് ഭാരമുള്ള ഗൗണ് അണിഞ്ഞ് നടത്തിയ ഫോട്ടോ ഷൂട്ടിനെ കുറിച്ചാണ് എസ്തര് പറയുന്നത്.
44 കിലോ മാത്രം ശരീരഭാരമുള്ള എസ്തര് ഷൂട്ടിനായി അണിഞ്ഞ ഗൗണിന്റെ ഭാരം 58 കിലോയാണ്. മനോഹരമായ ഡിസൈനിലുള്ള ഗൗണ് ആദ്യം കണ്ടപ്പോള് അമ്പരന്നു പോയെന്നും 30 ദിവസമാണ് ഇത് നിര്മ്മിക്കാന് ഡിസൈനേഴ്സ് എടുത്തത് എന്നറിഞ്ഞപ്പോള് അതിശയിച്ചു പോയെന്നും എസ്തര് പറയുന്നു.
ഹോട്ട് കൗച്ചര് കസ്റ്റം ഡിസൈനിലാണ് ഈ പര്പ്പിള് പിങ്ക് ഗൗണ് ഒരുക്കിയിരിക്കുന്നത്. 1000 മീറ്റര് മെറ്റീരിയലാണ് ഗൗണിനായി ഉപയോഗിച്ചിരിക്കുന്നത്. അതേസമയം, തെലുങ്ക് ദൃശ്യം 2, മഞ്ജു വാര്യര് ചിത്രം ജാക്ക് ആന്ഡ് ജില് എന്നിവയാണ് എസ്തറിന്റെതായി റിലീസിന് ഒരുങ്ങുന്നത്.
View this post on Instagram
മലയാള സിനിമയില് ബാലതാരമായി എത്തിയ എസ്തര് നായിക കഥാപാത്രങ്ങളിലേക്ക് ചേക്കേറുകയാണ്. ഷാജി എന് കരുണ് സംവിധാനം ചെയ്ത ഓള് ആണ് എസ്തര് നായികയായി എത്തിയ ആദ്യം ചിത്രം. ഷെയ്ന് നിഗം ആയിരുന്നു ചിത്രത്തില് നായകന്.