ഇന്സ്റ്റഗ്രാമിലൂടെ ഓണ വിശേഷങ്ങള് പങ്കുവച്ച് ദിലീപിന്റെയും മഞ്ജു വാര്യരുടെയും മകള് മീനാക്ഷി. കുഞ്ഞനിയത്തി മഹാലക്ഷ്മിക്കൊപ്പം പൂക്കളമിടുന്ന ചിത്രം പങ്കുവച്ചാണ് മീനാക്ഷി ഓണാശംസകള് നേര്ന്ന് എത്തിയിരിക്കുന്നത്.
”ഒരല്പം വൈകിപ്പോയി, എങ്കിലും… എല്ലാവര്ക്കും ഹാപ്പി ഓണം” എന്ന ക്യാപ്ഷനോടെയാണ് മീനാക്ഷി ചിത്രത്തിനൊപ്പം പങ്കുവച്ചിരിക്കുന്നത്. മീനാക്ഷിയെയും മഹാലക്ഷ്മിയെയും ഒരുമിച്ച് കണ്ടതിന്റെ ആവേശത്തിലാണ് ആരാധകര്. നിരവധി കമന്റുകളാണ് ചിത്രത്തിന് ലഭിക്കുന്നത്.
മീനാക്ഷിയുടെ അടുത്ത സുഹൃത്തും നടിയുമായ നമിതയും പോസ്റ്റിന് കമന്റുമായി എത്തിയിട്ടുണ്ട്. ”ലിറ്റില് ഡോറാസ് ബുജി റിപ്പോര്ട്ടിംഗ്” എന്നാണ് നമിതയുടെ കമന്റ്. നേരത്തെ നമിതയ്ക്കൊപ്പമുള്ള ചിത്രം പങ്കുവച്ച് തങ്ങളുടെ സൗഹൃദത്തെ കുറിച്ചും മീനാക്ഷി വ്യക്തമാക്കിയിരുന്നു.
‘ആത്മമിത്രങ്ങളില് ഞാന് വിശ്വസിച്ചിരുന്നില്ല…പക്ഷേ”” എന്നാണ് നമിതയ്ക്കൊപ്പമുള്ള ചിത്രം പങ്കുവച്ച് മീനാക്ഷി കുറിച്ചിരിക്കുന്നത്. തന്റെ ജീവിതത്തിലെ മുത്തുമണി എന്നാണ് നമിത പോസ്റ്റിന് മറുപടി നല്കിയിരുന്നത്. നമിതയുടെയും മീനാക്ഷിയുടെയും അടുത്ത സുഹൃത്തുക്കളില് ഒരാളാണ് നാദിര്ഷയുടെ മകള്.