സംവിധായകന് റാം ഒരുക്കുന്ന പുതിയ ചിത്രത്തില് നിവിന് പോളി നായകനാകുന്നു. പ്രൊഡക്ഷന് #7 എന്ന് താത്കാലികമായി പേരിട്ട ചിത്രത്തിന്റെ അനൗണ്സ്മെന്റ് പോസ്റ്റര് പങ്കുവെച്ച് നിവിന് പോളി തന്നെയാണ് ഇക്കാര്യം സോഷ്യല് മീഡിയയിലൂടെ അറിയിച്ചത്. അഞ്ജലി ആണ് ചിത്രത്തില് നായിക. നടന് സൂരിയും ഒരു പ്രധാന വേഷത്തില് ചിത്രത്തിലെത്തും.
വി ഹൗസിന്റെ ബാനറില് സുരേഷ് കാമാച്ചിയാണ് ചിത്രത്തിന്റെ നിര്മ്മാണം നിര്വ്വഹിക്കുന്നത്. യുവന് ശങ്കര് രാജയാണ് സംഗീത സംവിധാനം. സിനിമയുടെ ചിത്രീകരണം ഉടന് തന്നെ ആരംഭിക്കും. തമിഴിലും മലയാളത്തിലുമായാണ് സിനിമ ഒരുക്കുക. 2017ല് പുറത്തിറങ്ങിയ റിച്ചി ആയിരുന്നു നിവിന് ഒടുവില് വേഷമിട്ട തമിഴ് ചിത്രം.
മമ്മൂട്ടിയെ കേന്ദ്രകഥാപാത്രമാക്കി പേരന്പ് ഒരുക്കിയ സംവിധായകനാണ് റാം. റോട്ടര്ഡാം ഫിലിം ഫെസ്റ്റിവല്, ഷങ്കായ് ഫിലിം ഫെസ്റ്റിവല് – ചൈന എന്നീ മേളകളില് ചിത്രം ശ്രദ്ധ നേടി. തമിഴിലെ മികച്ച ഫീച്ചര് ചിത്രത്തിനടക്കമുള്ള ദേശീയ അവാര്ഡ് നേടിയ തങ്കമീന്കള് ആണ് സംവിധായകനെ ഏറെ ശ്രദ്ധേയനാക്കിയ ചിത്രം.
അതേസമയം, തുറമുഖം, കനകം കാമിനി കലഹം, പടവെട്ട്, ബിസ്മി സ്പെഷ്യല് എന്നിവയാണ് നിവിന്റെതായി ഒരുങ്ങുന്ന പുതിയ ചിത്രങ്ങള്. പവന് കല്യാണ് ചിത്രം വക്കീല് സാബ് ആണ് അഞ്ജലിയുടെതായി ഒടുവില് പുറത്തിറങ്ങിയ ചിത്രം. എഫ് 3, ശിവപ്പ എന്നിവയാണ് നടിയുടെതായി ഒരുങ്ങുന്ന ചിത്രങ്ങള്.