‘മിന്നല് മുരളി’ക്ക് ശേഷം മലയാള സിനിമയില് വീണ്ടുമൊരു സൂപ്പര് ഹീറോ വരുന്നു. ദിലീപിന്റെ ‘പറക്കും പപ്പന്’ ചിത്രത്തിന്റെ പോസ്റ്റര് ആണ് പുറത്തു വന്നിരിക്കുന്നത്. ‘ഒരു ലോക്കല് സൂപ്പര് ഹീറോ’ എന്നാണ് ചിത്രത്തിന്റെ ടാഗ് ലൈന്. വിയാന് വിഷ്ണു ആണ് ചിത്രം സംവിധാനം ചെയ്യുന്നത്.
2018 ക്രിസ്തുമസ് ദിനത്തിലാണ് പറക്കും പപ്പന് പ്രഖ്യാപിച്ചത്. എന്നാല് വിവിധ കാരണങ്ങളാല് ചിത്രീകരണം നീണ്ടു പോവുകയായിരുന്നു. ദിലീപിന്റെ ഉടമസ്ഥതയിലുള്ള ഗ്രാന്ഡ് പ്രൊഡക്ഷന്സും കാര്ണിവല് മോഷന് പിക്ചേഴ്സും ചേര്ന്നുള്ള ആദ്യ നിര്മാണ സംരംഭം കൂടിയാണ് പറക്കും പപ്പന്.
നേരത്തെ രാമചന്ദ്രന് ബാബുവിന്റെ പ്രഫസര് ഡിങ്കന് എന്ന ചിത്രവും ദിലീപിന്റേതായി പ്രഖ്യാപിച്ചിരുന്നു. എന്നാല് ചിത്രത്തിന്റെ സംവിധായകനായ രാമചന്ദ്ര ബാബു അന്തരിച്ചതോടെ സിനിമ നിന്നു പോവുകയായിരുന്നു. അതേസമയം, അരുണ് ഗോപി സംവിധാനം ചെയ്യുന്ന ‘ബാന്ദ്ര’ ചിത്രത്തിലാണ് ദിലീപ് ഇപ്പോള് അഭിനയിക്കുന്നത്.
തെന്നിന്ത്യന് താരം തമന്ന ആണ് ചിത്രത്തില് നായികയായി എത്തുന്നത്. ദിലീപിന്റെ കരിയറിലെ 147-ാം സിനിമ കൂടിയാണിത്. ‘വോയ്സ് ഓഫ് സത്യനാഥന്’ എന്ന ചിത്രമാണ് ദിലീപിന്റെതായി റിലീസിനൊരുങ്ങുന്നത്. റാഫിയാണ് സംവിധായകന്.