പ്രധാനമന്ത്രി നരേന്ദ്ര മോദിക്ക് പിറന്നാള്‍ ആശംസകള്‍ നേര്‍ന്ന് മോഹന്‍ലാല്‍. മോദിക്കൊപ്പമുള്ള ചിത്രം പങ്കുവച്ചാണ് മോഹന്‍ലാലിന്റെ ആശംസ. ‘നമ്മുടെ ബഹുമാന്യനായ പ്രധാനമന്ത്രി നരേന്ദ്ര മോദിജിക്ക് പിറന്നാള്‍ ആശംസകള്‍. അങ്ങയുടെ യാത്രയില്‍ ഉടനീളം സര്‍വ്വേശ്വരന്‍ ആരോഗ്യവും സന്തോഷവും വിജയവും നല്‍കട്ടെ’ എന്നാണ് മോഹന്‍ലാല്‍ കുറിച്ചിരിക്കുന്നത്.
എഴുപത്തിയൊന്നാം പിറന്നാളാണ് നരേന്ദ്ര മോദി ഇന്ന് ആഘോഷിക്കുന്നത്. പ്രധാനമന്ത്രിയുടെ ജന്മദിനത്തോട് അനുബന്ധിച്ച് സേവാ ഓര്‍ സമര്‍പ്പണ്‍ അഭിയാന്‍ എന്ന പേരില്‍ മൂന്നാഴ്ച നീണ്ടു നില്‍ക്കുന്ന ആഘോഷ പരിപാടികളാണ് രാജ്യത്ത് സംഘടിപ്പിച്ചിട്ടുള്ളത്. വാക്‌സീന്‍ സ്വീകരിക്കുന്ന ആളുകള്‍ക്ക് പ്രധാനമന്ത്രി നന്ദി പറയുന്ന വീഡിയോ ‘നമോ ആപ്പ്’ വഴി പ്രചരിപ്പിക്കും.
”നമുക്ക് ചെയ്ത് ഇതുവരെ കോവിഡ് വാക്സിന് എടുക്കാത്തവര്‍ വാക്‌സിനേഷന്‍ എടുത്തുകൊണ്ട് നരേന്ദ്ര മോദിക്ക് ജന്മദിന സമ്മാനം നല്‍കാം,” ആളുകളെ വാക്സിന് എടുക്കാന്‍ പ്രേരിപ്പിച്ച് കേന്ദ്ര ആരോഗ്യ മന്ത്രി മന്‍സുഖ് മാണ്ഡവ്യ വാക്സിന് സേവ എന്ന ഹാഷ്ടാഗോടെ ഇന്നലെ ട്വീറ്റ് ചെയ്തു. ബിജെപിയുടെ നേതാക്കളോട് വാക്സിന് കുത്തിവെയ്പ്പ് പ്രോത്സാഹിപ്പിക്കണമെന്ന് അറിയിച്ചിട്ടുണ്ട്.
ഇന്ന് 2 കോടി ഡോസുകള്‍ നല്‍കുക എന്ന ലക്ഷ്യത്തോടെ എട്ട് ലക്ഷത്തോളം വളണ്ടിയര്‍മാര്‍ക്ക് ബിജെപി പരിശീലനം നല്‍കി. 20 ദിവസത്തെ ആഘോഷങ്ങളുടെ ഭാഗമായി വന്‍ ശുചിത്വവും രക്തദാന കാമ്പെയ്നുകളും ഒന്നിലധികം പരിപാടികളും നടത്താന്‍ പാര്‍ട്ടി പദ്ധതിയിടുന്നുണ്ട്. ഇതിനായി എല്ലാ സംസ്ഥാന ഘടകങ്ങള്‍ക്കും ബിജെപി അദ്ധ്യക്ഷന്‍ ജെപി നദ്ദ നിര്‍ദേശം നല്‍കി.